لقاء كـ،ـ،ـ،ـارثي
فضل….اكيد فاهمك بس اكيد كمان المكان بالنسبالك ليه عامل
رحاب…..طبعاً للن بابا كان بيحبه وانا كنت مرتبطه ببابا اوي متعلقه بيه تعلق مرضي كان بالنسبالي كل حاجه و كنت بحبه اوي و لما حد غالي عندك بيروح منك و بتبقي عارف انه مش راجع بتحاول تدور علي اي حاجه او ذكري تخليك قريب منه
و المكان ده بابا كان بيحبوا اوي و متعلق بيه جداً وكان ديماً يجي هنا بحس اني لما باجي هنا انه معايا روحوه في المكان كده يعني بروح بقي حاسه اني مبسوطه و اني مش لوحدي و انه لسه معايا
فضل…..طيب و مامتك علاقتك بيها عامله ازاي؟
رحاب….اممم عاديه
فضل….يعني ايه عاديه بباكي كان اقرب
رحاب…..طبعاً بس اكيد بحبها بحترمها لكن بابا عندي في حته تانيه هي اتجوزت و شافت حياتها بس هو كان مهتم بينا اكتر
فضل….بس اللي انا اعرفوا ان بباكي كمان اتجوز ليه مخدتيش نفس الموقف منه
رحاب….علي فكره انا مخدتش موقف من ماما عشان اتجوزت يعني سواء هي او بابا دي حياتهم و انا مقدرش اعترض علي قراراتهم بس انا مش عارفه هتفهمني ولا لا ماما شافت حياتها من بدري اوي يعني بعد ما انفصلوا بفتره اتجوزت و لما بابا رفض اننا نبقي مع زوج ام هي معترضتش قالت اوك و عيشنا مع بابا كتير كان قافل حياته علينا و لما فكره الجواز دي جات في باله قالي انا ورضوي لو معترضين انا مش هعمل كده و سابلنا حريه الاختيار و كل مره كان يتكلم فيها معانا يحاول يأكد علي تمسكه بينا احنا و يمكن ده اللي خلانا وافقنا من غير تفكير و فعلا اتجوز و فضلنا معاه و علاقته بينا كانت تجنن كان حنين اوي و بيحبنا جدا و احنا اهم حاجه في حياته و يمكن كان متعلق بيا اكتر من رضوي لانه كان بيتعامل معايا علي اننا صحاب لما تعب طبعا انا حسيت بالمسؤولية اكتر كنت بحسه ابني مش ابويا حتي بعد وفاته انا بمكن اتاثرت بشكل كبير اوي
فضل…انا فاكر انك قعدتي فتره طويله قافله علي نفسك
رحاب….انا قعدت حوالي اربع سنين عندي اكتئاب بحاول اكون كويسه بس مش عارفه لما تفقد حد غالي عندك او هو بالنسبالك الحياه والامان غصب عنك عقلك بيرفض الواقع مش اعتراض بس وجع الفراق وحش اوي يمكن كنت بشتغل بحاول بخرج بعمل حجات كتير بس من جوايا مش انا بس كنت قادره افصل شويه بالشغل واني انجح و قدرت احقق نفسي سافرت و بقيت انجح اكتب بعدها اتخطبت فتره بسيطه و سيبتوا لان هو طلب مني اسيب شغلي و الحقيقه اني مكنتش بحبه للدرجه اللي تخليني اضحي باكتر حاجه بحبها واكتر حاجه طلعتني من اللي كنت فيه بعد وفاه بابا فا مقدرتش و رفضت و بعدها رجعت سافرت تاني كملت شغل و نزلت كملت هنا
