لقاء كـ،ـ،ـ،ـارثي
رحاب….انا مقولتس كده افهم كلتمي صح انا بقول لو ده سبب و علي فكره لو ده صح انت مش المفروض تزعل بالعكس هي كده عملت الصح ليك وليها بس لو في سبب تاني غير اللي انا فكرت فيه فا انا شايفه ان هي غلطانه بنسبه ميه في الميه و انت معاك تزعل و معاك حق تحافظ علي كرامتك و معاك انك تستني منها رد مناسب او تبرير قوي يخليك تقدر تسامحها ده حقك ما هو بالعقل لو انا بحب شخص جدا و حسيت ان نفسيتي تعبت من اي حاجه حتي لو افكار مخوفاني زي ما هما قالوا الجواز والمسؤوليه يا اما اروح لدكتور نفسي مش عيب بس وانا معاك او اجري علي الشخص اللي بحبه ده و احكيلوا اللي واجعني مش اهرب منه هو و اسيبه بالطريقه دي فا بصراحه معاك حاسه انهم متحاملين عليك اوي و شايفه كمان ان لو الموقف اتعكس برضوا هيبقوا معاها هي مش معاك
فضل….ماهو ده اللي بقولوا هما في الحالتين هيقفوا مع نعيمه مش معايا و ده اللي مضايقني و مخليني حاسس اني مخنوق بجد محدش فاهمني محدش حاسس بيا محدش حط نفسه مكاني و لو ثانيه واحده انا شكيت في كلام ايمي قالتلي ما يمكن تكون انت اللي قصرت معاها وانت سبب اللي هي عملتوا يمكن تكون مدتهاش الحب الكافي و حست انها خايفه بدات اشك في نفسي و افتكر كل موقف حصل بينا سواء موقف متشاف للكل او موقف خاص بيني وبينها بس انا معملتش حاطه غلط معملتش حاجه تخليها تخاف مني مقصرتش معاها مش عارف اعمل ايه مش عارف فين الصح وفين الغلط مش عارف اسمع كلامهم وادي فرصه و لا اصمم علي موقفي و انا فعلا محتاج تفسير للي حصل
رحاب….انت عايز ايه يا فضل السؤال ده انت اللي تقدر تجاوب عليه شايف ان نعيمه فارقه في حياتك و بعدها عنك مقصر فيك لدرجه انك تديها فرصه ولا حاسس انه لا
فضل…..انا متلغبط يا رحاب و بجد الموضوع مضايقني اوي و تاعبني مش قادر اتقبل اللي حصل دفاعهم عنها و انهم جايين عليا خانقني من الكل لان لما بتبقي واثقه انك معملتيش حاجه و تحسي ان الكل جاي عليكي بتحسي بظلم كبير اه حقهم يقفوا معاها حقهم يحاولوا يجوا عليا اكتر عشان انا الراجل وانا اللي المفروض اتحمل بس كمان لازم يفهموا ان الموضوع بجد و جعني اوي لاني مكنتش متوقعه انا كنت شايف اني عند نعيمه حاجه كبيره اوي كنت شايف حبها ليها وفجأه لاقيتها مره واحده اول ما ضحت ضحت بيا و ياربتها بطريقه تخليني حتي احاول افهم لا دي ادتهاني كده مره واحده خلتني حاسي اني عريان وسط الناس بتسال منهم هي مالها و انا زيهم مش عارف المفروض انا اكتر حد ابقي عارف كنت واقف لا عارف ولا فاهم ولا مستوعب انا خايف يا رحاب يعني اه عايز اديها فرصه لاني باقي عليها بس كمان خايف اسمع منها سبب يقفلني اكتر
