لقاء كـ،ـ،ـ،ـارثي
………………….
خرجت نادين من الحمام بهدوء لمحت ميدو نايم علي السرير الموبايل علي صدره و في سابع نومه قفلت الباب براحه وراها و قربت خدت الموبايل بهدوء و رفعت عليه الغطاء غطتوا وراحت قفلت النور و طلعت جنبه علي السرير اول ما لمست السرير فتح عينه
نادين…..بصتلوا والله مش عملت دوشه انا بطلع براحه
عسال…..بنوم فظيع فرد دراعه طب تعال يا حبيبي يلا
ففلت النور اللي جنبها و دخلت في حضنه ضمها وهو بيغمض عينه
نادين….ميدووو
عسال…احممم ايه يا ماما
نادين….عايز تصحي امته
عسال….عادي مش هنزل بدري الشغل يلا نامي
نادين….حاضر
سكتت شويه هي كمان كانت فاصله و بتقاوح في النوم من بدري فضلت تغمض و تفتح
نادين…..ميدوو
عسال….جسمه اتنفض نفضه بسيطه من صوتها ايه حبيبي
نادين….بصوت نايم انا بحبك اوي
عسال…..ابتسم وهو مغمض و انا بحبك اوي ممكن ننام بقي
سكتت و مردتش عليه وغمضت
نادين…..ميدوو
عسال…..ايه يا عمري
نادين……مش عارفه انام
فتح عينه وهو بياخد نفس طويل
عسال….مش عارفه تنامي ازاي بس انتي صوتك ضايع يا نودي و عينك كلها نوم
نادين…..مش عارفه
عسال…..طب عايزه ايه يا ماما
نادين….عايزه انام احكيلي حدوته
عسال….طب انا مش قادر ممكن نخليها بكره
دفنت وشها في رقبته
عسال….ايوه كده شطوره يلا نامي
نادين…..لا احكي
عسال….بضحكه كلها تعب حاضر حط كفه في ضهره تحت الترنج و فضل بمشي ايده بهدوء علي سلسله ضهرها كان في مره بنوته جميله و شعرها طويل اوي ضحكتها تجنن و عيونها تجنن ووو
غمض عينه و وقف كفه و صوته كان ببختفي مش قادر خلاص
نادين…قوول
فتح عينه تاني بسرعه
عسال…..كان في مره بنوته جميله شعرها طويل ووو
رفعت نادين و شها بهدوء لاقته مغمض ابتسمت و باسته من خده
فتح عينه و باس راسها
نادين…..نام يا عمري
عسال….مش قادر يا تويتي والله
نادين…..ماشي تصبح علي خير
عسال….وانتي من اهل الخير
فضل يحرك كفه علي ضهرها شويه و هي تفكرك شويه نومها كان صعب بتتقلب كتير و حتي لو هتموت وتنام مبتعرفش تنام علي طول بالاخص لو مش لوحدها لازم اللي جنبها ينام بعدها مش قبلها كل ما ميدو يغمض عينه و يبدأ يستسلم تتقلب فا يصحي لان نومه خفيف اوي فتح عينه لقاها في اخر السرير حاضنه الدبدوب و عماله تفرك و تتحرك كان عارف انها مش هتعرف تنام الا لو نيمها قرب شويه عليها و سحبها من ضهرها لزقها في صدره
باسها من رقبتها و سند وشه علي وشها
