لقاء كـ،ـ،ـ،ـارثي
نادين…مش بردانه
عسال….صح واضح مفيش سمع كلام خالص
نادين…..مبحبش اقعد استني اعمل ايه طيب
عسال…..طيب قربب هنا شويه الدنيا زحمه
قربت منه و وقفت سندت راسها علي الزجاج تبص عليها فضلوا واقفين شويه بس الجو كان تلج بمعني الكلمه عطست
عسال….لا بصي تعاليلي كده بقي اقعدي في العربيه عشان انتي كده هتتعبي مني
نادين….مش هتعب والله انا بعطس عادي
عسال…..يلاااااااااا
مسك كفها و سحبها وراه و خدها ركبها العربيه بالعافيه
عسال……نعقل بقي و نبطل جنان عشان مقلبش عليكي
نادين….علي فكره مخصماك
عسال….احسسسن خاصميني احسن ما تبردي و بعدين انتي مش كنتي عايزه تنامي يلا نامي و مسمعش صوت لحد ما تيجي نعيمه
نادين….لا مش عايزه النوم راح
عسال….طب تقعدي ساكته و مسمعش صوتك
سكتت و كانت عماله تفرك عايزه تزهقوا عشان تنزل تاني كل شويه تفتح الشباك يروح قافلوا من جنبها شويه و تلعب في المرايه اللي قدامها و شويه و تفتح الكاسيت تنكش فيه و ترجع تفتح الشباك تاني و هو عمال يقفل وراها و مره واحده مسك كفها صوتت و هي بتضحك
عسال….عض علي شفايفه بغيظ كفايه نكش بوظتي الكاسيت و المرايا بصمتي عليها بصوابعك والشباك هيبوظ من الققل و الفتح
نادين…..فدايا
عسال….بضحك فداكي يا عمري بس انتي وترتيني خدي بالك و هتضربي
نادين….ميدو وحياتي يلا بقي الساعه 6. ونص و خمسه اهي
عسال….نودي والله العظيم هتبردي خدي بالك انا مش نايم و مصدع دماغي هتنفجر و انتي فرهدتيني
نادين….زهقت مني
عسال….مقدرش بس تعبت
نادين….مني ؟
عسال….بضحكه جميله لا انتي جميله و هتقعدي مؤدبه صح
بصتلوا و بعدين بصت جنبها بغيظ شويه و لمحها بتحاول تبص عليه بطرف عينها و صباعها رايح ناحيه الزرار تفتح الشباك
مسكها من رقبتها و هو بيضحك
عسال….انتي عايزه مني ايه
نادين…..عايزه انزل و هسكت والله
عسال….كلمي نوني لو فتحت الموبايل هننزل حتي لو هنستناها مقفول مش هتنزلي
نادين….ما هو مقفول لسه انا عايزه نسأل عن الطياره نطمن انها بخير
عسال….بخير و الله بخير باذن الله بخير ابوس ايدك خمسه هدوء في كوره جوه راسي هموت من الصداع
نادين….طيب خلاااااص هسكت و انت اسكت شويه
عسال….انا اللي اسكت حاضر عيني
سند راسه علي الكرسي و ربع ايده و غمض عينه ثواني و بصت عليه بطرف عينها فضلت تتحرك علي الكرسي عشان تقلقوا و شويه و ترجع ضهرها و شويه و تفتح الكاسيت و ترفع الصوت شويه و ترجع تقفلوا خالص و شويه تبص وراء و بعدين قربت كفها من عينه فضلت تحرك ايدها براحه قدام عينه ضحك غصب عنه و بصلها و هو بيهز راسه
