لقاء كـ،ـ،ـ،ـارثي
عشري…..اه و عشان ارضي عنك هتعزمني علي الغداء
فضل… بضحك بس كده انت طلعت سهل اوي
عشري….حط ايده علي كتفه و ضغط علي رقبته مع اللي بحبهم بس يا وااااطي
……………
علي الساعه خمسه ونص
ليله….بصوت حزين ما يمكن مش زي ما بتقولي يا ايمي
ايمي…امال الصور دي بتعمل ايه يا ليله ما هي متتفهمش غير كده احنا لسه متكلمين معاه و قولنا علي الصور و بعد كده سمع امه كلمتين و قال محدش يفهمني غلط بس مفهومه انه بيسمعلنا نفس الكلمتين مع امه انا كل ده ولا فارق معايا و عذراه و بقول حقه بس مش تاني يا فضل يعني اول صور تتعدي في ايڤنت و معاكم ناس و اجواء عربيات و تمام نعتبرها خروجه شغل طيب الخروجه دي ايه موقعها من الاعراب جو رايق و وعيد ميلاد وعربيه دي مش عربيه فضل اصلا صح
ليله…لا عربيتها
ايمي…طيب بنحرق دمنا في ايه يارب بس نعيمه هانم تبقي مبسوطه
ليله…وهي نعيمه مالها يا ايمي
ايمي…مش هي اللي بوظت حياتها بايدها
ليله…يا ستي ولو فرضنا في النهايه فضل اللي اختار يعمل ايه و ميعملش ابه بس اسمعيني انا عارفه فضل كويس و انتي عرفاه يا ايمي مش ده فضل و بصراحه انا حاسه هو اخر ما جاب اخره بيعمل كده عشان يغيظ نعيمه
ايمي…طب ما انا عارفه با غلبه هو انا قولت بيتنيل يحبها ولا ماشي معاها بس هو عارف ان البت معجبه بيه يعني هتفرح بقربه ممكن تبقي جريئه اكتر و الدنيا تبوظ دي مش بنت غريبه يا ليله او حد عادي مفيش من ناحيتها حاجه نقول انه بيغيظها مشكلتي مش في فضل مشكلتي في البت و بصراحه خايفه نعيمه تشوف الصور هتنهار و هتتعب و مش بعيد تفضل عندها انا حسيت اخر مره انها اتقعنت و لما عيطت اتأكدت انها بتحب فضل و ندمانه بجد و عايزه تصلح لو شافت الصور هتعند هتبقي هي كرامتي وهو كرامتي و يوم مهبب علي دماغ الجوز
ليله….لا لا متقوليش كده بالله عليكي ان شاء الله خير والله
ايمي….يارب و لما نشوف اخرتها مع فضل الكلب ده كمان
………….
في الطريق فضل كان مع عشري اتصل علي رحاب تاني
رحاب…بصوت نايم او مصطنع النوم الووو
فضل…. ايوه يا رحاب ايه يا لنتي انتي فين كل ده بكلمك من الصبح
رحاب…معلش با فضل انا كنت نايمه و لسه يادوب بفتح عيني
فضل… معلش بس انا فاكرك في الشغل عشان قولتي نازله و عندك مشوار
