لقاء كـ،ـ،ـ،ـارثي
فضل….انا بقول تروحي لرضوي و تباتي معاهم احسن الوقت اتأخر الساعه بقت اربعه ونص
رحاب….لا مش عايزه
فضل….طب ليه ؟
رحاب….زي ما قولت الوقت اتاخر و اكيد عبدالله رجع و يمكن ناموا انت عارف رضوي طول اليوم بتتعب مع ولادها و كمان بصراحه حاسه انها واخده مني موقف بسبط فا خليني اروح احسن
فضل….موقف ايه ؟
رحاب….يعني حسيت انها زعلانه مني عشان اخر مره اتكلمت فيها مع ايمي و ليله
فضل…..طيب و تزعل منك ليه انتي قولتي ايه غلط
رحاب….يمكن تكون خافت رأيي يعمل مشكله و بما ان انت و عبدالله اخوات ممكن تزعلوا و هي اكيد هتتأثر لو حصل بينكم مشكله
فضل….لا طبعا مفيش مشاكل و هي و عبدالله ملهمش علاقه روحي عندها وباتي هناك
رحاب…..لا مش عايزه خليني اروح احسن
فضل….اسمعي الكلام الوقت متأخر
رحاب…..معلش ريحني انت خليني امشي و متخافش احنا بعتبر في عيد يعني
فضل….خلاص هوصلك سيبي عربيتك و بكره تعالي خديها
رحاب….ولا هينفع دي كمان انا بكره عندي شغل الصبح مش هعرف اتحرك من غير العربيه
فضل…..هو مش احنا كنا متفقين نخرج بكره يوم عيد ميلادك اعتبري اننا هنخرج و تعالي خديها
رحاب…مش هعىف والله بص انا لما هوصل هطمنك
فضل…..طيب خلاص انا هوصلك بعربيتك و هبقي ارجع
رحاب…..لا هترجع من غير عربيه في الوقت ده
فضل….هتاكل يعني عادي هرجع
رحاب…بابتسامه خلاص اللي انت عايزه
فضل…..تمام
سندت رحاب راسها علي الكرسي و بصت علي الطريق و هي حاسه انها مبسوطه اوي و صلوا عند الورشه ساب عربيته و نزلوا ركبوا عربيتها
واتحركوا
كانت حاطه التورته علي رجلها
فضل….بايتسامه كل سنه وانتي طيبه
رحاب….بابتسامه وانت طيب يا فضل و بجد شكرا اوي انك كنت معايا اليوم ده
فضل…..انا اللي المفروض اشكرك يا رحاب انتي اللي جيتي و بوظتي يومك عشاني
رحاب…..بهدوء متقولش كده يا فضل انت مش متخيل اليوم ده فرق معايا ازاي بالعكس انا يومي مباظش و لا حاجه يمكن هتحس اني ببالغ لو قولتلك ان ده احلي عيد ميلاد في حياتي ابتسمت بهدوء و بصت في عينه و بعدين بصت بسرعه علي الطريق اااا يعني انا قولتلك مش بحتفل بيه اخري اجيب تورتايه صغيره و اتصور و بس
فضل…..و انا مبسوط انك مبسوطه و علي فكره مش ناسي هديتك لو عارف انك جايه كنت جيبتها من البيت بس انا كنت عامل حسابي علي بكره
