لقاء كـ،ـ،ـ،ـارثي
خايف الفرصه دي تبقي عكسيه ماهو لما تبقي حاطه حد في مكانه كبيره و تقولي ده مستحيل يعمل كده و يعمل و تلاقي نفسك بتحاولي تدي فرصه و تسمعي عذر يخليكي تحسي انك قليله اكتر بتتعبي و بتتقفلي و ممكن تكرهي و انا مش عايز ده يحصل
رحاب….تسمع نصيحتي يا فضل؟
فضل…..اكيد
رحاب….اسمعها اديها فرصه اعمل اللي عليك للنهايه يمكن تلاقي سبب يخليك تسامح و تقول لا هي كان غصب عنها
فضل….ولو ملاقتش
رحاب…..تبقي عملت اللي عليك و اديت فرصه و يوم ما حد يتكلم معاك هتعرف ترد صح و يمكن هما لما يعرفوا السبب و يلاقوا انه مش مقنع يبقوا معاك و في صفك يمكن هما عاطفتهم وخدتهم ليها اكتر و شايفين انك محاولتش. تمام اهو انت هتدي فرصه و هتحاول و هتريح الكل بس القرار و قتها هيبقي ليك انت يا اما بجد تقتنع و تسامح وتدي فرصه تانيه او هتقرر تقفل الصفحه و تبدأ حياتك من جديد و وقتها محدش هينطق معاك بحرف
و لا هيلومك يا فضل ادي فرصه مش عشان تثبتلهم انك نفذت كلامهم ولا عشان تخليهم يتعاطفوا معاك اكتر ادي فرصه عشان انت ترتاح من كلامك انت محتاج تلاقي سبب و تفسير و ده بالنسبالي مش هيحصل الا بفرصه تانيه و انت كده مقتنع ان الفرصه التانيه هتديك السبب فا خد فرصتك للاخر و في كل الاحوال لو اقتنعت يبقي انت كسبان لو مقتنعتش برضوا هتبقي كسبان و هترتاح متفكرش بقي انك هتتوجع اكتر هتتصدم او حتي هتكرها كل ده حطه وراء ضهرك فكر بس انك هترتاح و يمكن انا شايفه من بعيد شويه اللي هيحصل
فضل….ايه بقي اللي هيحصل
رحاب….بابتسامه لا لما تاخد فرصتك بقي ابقي اقولك قبل كده مش هقول هحتفظ برأيي
فضل…. بابتسامه ماشي هنشوف مع ان يعني من كلامك انا حاسس انك شايفه حاجه معينه
رحاب…..ايه هي ؟
فضل….يعني اني مش هلاقي سبي
رحاب…. بابتسامه والله دي انت اللي هتكتشفها عموما بلاش تسبق الاحداث خوض تجربتك للنهايه زي ما بداتها يا تكملها يا تنهيها بلاش تقف في النص لانها واقفه متعبه اوي
فضل….معاكي حق دي اسوء واقفه ممكن الواحد يقفها معلش يا رحاب انا بجد دوشتك و سحلتك في مشاكلي يوم عيد ميلادك بس غصب عني شكلي كده ما صدقت حد يتكلم معايا
رحاب…..فضل متزعلنيش منك سيبك مني و من عيد ميلادي و سيبك من اي حاجه المهم تكون مرتاح و انا جنبك اي وقت تحب تتكلم هتلاقيني حتي لو امته هجيلك و هنتكلم و بعدين مش قولتلك اعتبرني صاحبك
