لقاء كـ،ـ،ـ،ـارثي

ليله…قوم بقي متبقاش رخم نص ساعه يا سيدي واطلع ولا انت زعلان منه بجد

عشري….وحياة ليله ابداً فضل اخويا يا ليله انا بكره هطب عليه في البيت حتي لو نايم هدخل اجيبه من قفاه و هو نايم خليني معاكي بقي انهارده سحبها من ضهرها نيمها علي صدره

ليله….بحب مسكت دقنه ماشي يا قلبي بس اعمل كده عشان خاطري مينفعش انت بالذات يبقي في بينك و بينه مساحه للزعل او الخلاف في الوقت ده هو محتاجك اكيد

عشري….بحب باس راسها حاضر يا قلبي بكره باذن الله هعمل كده فضل يمشي ايده عليها و هي نايمه علي رجلوا وفي حضنوا.

……………..

علي الساعه 11 بتوقيت الامارت 1 بتوقيت مصر اتصلت نعيمه علي نادين..

نادين….ايوه يا نوني ايه يا حبيبتي وصلتي

نعيمه….اه انا في المطار خلاص بصي مش عارفه هعرف اكلمك تاني ولا لا لاني قدامي ساعه بالظبط و الطياره تطلع و لسه انا واصله حالا هدخل الشنط و اخلص الورق و المطار اصلا زحمه جدا بس قولت اعرفك

نادين….طيب ماشي بس معلش اركبي الطياره حتي و طمنيني ان كل حاجه تمام والنبي طمنيني لان الكام ساعه اللي هتبقي فيهم في الطياره دول ربنا عالم هيعدوا ازاي

نعيمه….متقلقيش والله الوضع تمام و ناس كتير مسافره متخافيش اطلع بس الطياره و.هطمنك اوعي تكوني عرفتي حد غير ميدو

نادين….لا والله العظيم متقلقيش اصلا لو عرفتهم هيفضلوا علي اعصابهم لما توصلي بالسلامه نبقي نعرفهم براحتنا المهم خدي بالك من نفسك

نعيمه….حاضر يا قلبي هخلص واطلع وهطمنك و متتحركيش من عندك بدري اوي عشان متفضليش قاعده

نادين….حاضر هو ميدو شوبه وهيعدي عليا خدي بالك من نفسك

نعيمه…حاضر يلا سلام يا قلبي

نادين….مع السلامه.

قفلت نادين واتصلت علي ميدو.

عسال…..ايه يا حبيبي

نادين….نعيمه وصلت المطار هتخلص بقي ورقها والشنط و تطلع الطياره علي 12 عندها بعني اتنين عندنا

عسال…طيب توصل بالسلامه ان شاء الله

نادين….هو احنا كده هنروح امته هي المفروض بتوقيتنا يعني توصل علي سته ونص مثلا

عسال….متقلقيش هنروح قبل ما هي تخرج اكيد هترجع خلصانه مش هنقوفها بصي انتي عارفه ان الشغل كتير و الدنيا زحمه الوقت الساعه واحده يعني ممكن علي تلاته كده او تلاته ونص امشي من عندي هجيلك و نتحرك علي طول بس ابقي تقلي عشان الجو برد و حاولي تاخدي چاكت لنعيمه عشان ممكن تكون مش عامله حسابها علي الجو