لقاء كـ،ـ،ـ،ـارثي
عسال….وبعدين معاكي مش عارف انام منك
نادين….اروح الاوضه التانيه
عسال….لا طبعا وتسيبي حضني مالك مش عارفه تنامي ليه
نادين…..هنام خلاص
عسال….طب احكيلك حدوته
نادين….بابتسامه ايوه
عسال….بتنهيده طب تعالي ياقلبي ارمي الدبدوب الوحش ده
ابتسمت نادين و نزلتوا علي الارض و بسرعه دخلت في حضنه تاني حط ايده في ضهرها
عسال….صلي علي النبي
نادين….عليه الصلاه والسلام
عسال……كان في كتكوت صغير شكلوا حلو اوي بس كان تايه من مامته الجو كان ساقعه والدنيا بتمطر و هو عمال يدور عليها وبيعيط و خايف بس المطر كان جامد اوي و الريش بتاعه كان غرقان و قف علي جنب بيدور علي مكان يعرف يحمي نفسه فيه كان جعان وتعبان و عايز ينام و بردان و خايف ميلاقيش مامته تاني سكت ثواني وهو فاصل مش قادر حس انها غمضت عينها و بدأت متتحركش كمل لمح مكان من بعيد و في نور بسيط حس انه نار فا راح براحه هلي المكان عشان بقعد قدام النار و يتدفي بس لما راح ملقاش نار و فجأه …
بصلها بهدوء نفسها انتظم وراحت في النوم
عسال…..تصبحي علي الف خير يا قلب بابي باسها بهدوء من راسها و نزلها التيشرت و غطتها كويس و اخيراً رفع الرايا البيضا و استسلم للنوم..
…………………
علي الساعه 12 الضهر صحي فضل من النوم قام غسل وشه و اتوضا وصلي و بعدين لبس و خرج بره نجود كانت لوحدها في المطبخ
فضل….صباح الخير
نجود….بصتلوا بهدوء و بعدين بعدت عينها صباح الخير
فتح الثلاجه طلع منها جبن عمل ساندوتش
نجود….هعملك فطار استني
فضل…لا لا تسلم ايدك انا هخرج علي طول
نجود…..اتاخرت ليه امبارح يا فضل كنت فين كل ده
فضل….كنت في مشوار
نجود…..مشوااار اممم طيب مشوار شغل ولا ايه
فضل…..ااا اه عادي مشوار شغل
فضت القهوه بتاعتها بهدوء و بعدين بصتلوا
نجود……طيب كويس يارب تكون اتبسطت في مشوار شغلك
خرجت و سابتوا بصلها باستغراب و بعدين خرج علي بره
فضل….انا خارج عايزه حاجه
نجود….لا
فضل…..سلام عليكم
نجود…عليكم السلام
خرج فضل ركب عربيته و راح علي الكافيه بص علي الشغل و بعدين خد كوبايه قهوه و مشي راح علي الورشه عدي و سليم مكانوش فاتحين المغسله لسه
فتح الورشه و دخل جوه و لع سيجاره و وقف يشرب قهوته و هو عمال يبص علي الشارع و بعدين طلع الموبايل اتفاجئ بالصور لقاها نازله من الساعه سته ونص كان مصدوم و حس ان سؤال امه مكانش طبيعي لانها مش بتسألوا ابداً كنت فين ولا اتأخرت ليه فا توقع انها شافت الصور و افتكر بسرعه ايمي و ليله و خاف حد يشوف الصور تاني قفل و اتصل بسرعه علي رحاب عشان يقولها تشيل الصور قبل ما يشوفوها
