لقاء كـ،ـ،ـ،ـارثي
فضل….لا عادي قولي احنا لوحدنا و علي فكره انا مزعلتش منك بالمعني الحرفي بس لما عرفت اللي حصل اللي وصلي انك قولتي حاجه مش حلوه في حق نعيمه
رحاب….بالعكس يا فضل انا مجيبتش سيرتها باي حاجه وحشه دي بنت زيي حتي لو شوفت بعيني حاجه مش حلوه مش هقول انا يمكن شوفت نعيمه كذا مره بس محصلش بينا كلام قوي او حكايات كانت مجرد قعدات عاديه هزار ضحك مش اكتر و الحقيقه ان نعيمه بنوته تجنن حلوه لذيذه عشريه مشوفتش منها اب تصرف مش مقبول في المجمل هي كويسه ملامي عن النقطه الاي زعلت ليله و خليتك تيجي تتكلم معايا مكانش تنظير عليها او اني بحاول اقول عنها كلام مش فيها بالعكس انا كنت بدافع عنها و عنك و يمكن انا اللي مخليني مش حابه اتكلم ان ليا راي مختلف عن كل اللي حواليك و يمكن كمان ده اللي زعلهم مني اني واخده صفك اكتر
فضل….بابتسامه يعني انتي بما انك بره الموضوع شايفه مين الصح و مين الغلط مقتنعه بايه اكتر شايفه ان هما معاهم حق اني محاولتش او مش بحاول افهم السبب شايفه اني مفرقش معايا بجد او كان لازم ادي فرصه شايفه بما انك بنت زي نعيمه هي ممكن تكون عملت كده ليه رحاب انا عقلي هيقف مش عارف افكر مش عارف مين صح و مين غلط ضغطهم عليا خانقني حاسس ان الكل مغلطني و هنا مش مقدرين اني في يوم وليله حياتي اتشقلبت يمكن مقدر احساسهم دفاعهم عن نعيمه مقدر انهم مهما حصل مش حابين اننا نبعد بس مضايق من فكره انهم شايفني بضحي بنعيمه عشان كرامتي بس صدقيني الموضوع مش كده هو بجد اكبر من كده انا كل اللي طلبتوا عشان احس ان من جوايا قادر اسامح علي جرحها ليا انه يكون في مبرر قوي يمكن هما ترجموا ده اني مستعد اتقبل اي حاجه وحشه تكون حاصله معاها في مقابل اني اسامحها بالعكس انا عمري ما اتمني ليها اي حاجه وحشه بس بالعقل لو بدلنا الموقف واللي حصل من نعيمه انا اللي عملتوا المفروض اني بحبها و خلاص مأقلم حياتي عليها وفجأه قومت سافرت و انفصلت عنها في رساله هل ده كان هيبقي عادي يعني لو رجعت وقولت اسف دي تكفي انها تسامحني لو قولتلها كنت مضايق شويه او حاسس اني نفسيا مش مرتاح هل ممكن تسامحني عادي
يعني مش هتحس اني جرحت كرامتها قدام الكل مش هتحس بعدم الامان معايا مش هتحس اني هزيت ثقتها بنفسها و جرحت انوثتها مش هتحس انها بدأت تشك في نفسها و تسأل يا تري انا عملت ايه او كنت سبب في ايه مش كان الكل هيقف معاها هي مش انا علي فكره انا وقفهم معاها مش مضايقني بالمعني الحرفي بس كمان حاسس بدعمهم ليها و لموقفها اني مقصر في حقها في نظرها هي يعني لما تحس ان الكل مأيدها حتي امي جايز تشوف ان انا اللي بيعت و مشيت و مفرقش معايا و تنسي انها غلطت في حقي وقوفهم جنبها كويس ماشي بس مش ده ظلم ليا انا يعني مش هيخليها تنسي ان هي اللي غلطت في حقي..
