لقاء كـ،ـ،ـ،ـارثي

عسال….عيوني

نعيمه…..انا مش عابزه حد يعرف انهارده خالص اني جيت

نادين….نعمممم والله العظيم دول يقطعوني

نعيمه….اسمعي بس انا هروح مقتوله و هنام بقولك فاصله بجد و هما لو عرفوا هيجوا ومش هعرف اقعد معاهم و كمان لسه عايزه اظبط الشنط و اطلع الهدايا بتاعتكم ممكن نقولهم بليل و يبقوا يجوا الصبح

نادين…..والله لو عرفوا امته هيجوا برضوا و سيبك من الهدايا و الشنط و الهبل ده خليهم يفرحوا انك جيتي

عسال…..خلينا نطمنهم عليكي احسن يا نوني كلهم هيتجننوا عليكي بصي روحي نامي و ارتاحي و نعرفهم انك نايمه و ممكن يجواك بليل يسهروا معاكي

نادين…ايوه علي الاقل عشان بكره تروحي تطمني نوجا و دولا

نعيمه…..بتنهيده ماشي اللي تشوفوا

بصت من الشباك و فضلت تبص علي الطريق كانت حاسه انها سايبه مصر بقالها كتير

بعد وقت مش طويل وصلوا اخيراً تحت البيت الثلاثه كانوا فاصلين بمعني الكلمه ركن ميدو و نزل حط الشنط كلها علي الرصيف قدام المدخل و بعدين طلعوا علي فوق

دخلها الشنط كلها ابتسمت نعيمه و هي شايفه البيت و حاسه براحه فظيعه..

نعيمه ….البيت وحشني اوي

نادين….بابتسامه انا نضفتهولك امبارح كده شويه لان مفيش حد شغال في العيد بس ليله من اسبوع كانت جايبه بنت نضفتوا مش هتلاقيه متبهدل يعني و جيبتلك حجات في الثلاجه كمان

نعيمه….بابتسامه ربنا ما يحرمني منك يا نودي

عسال…..محتاجه اي حاجه من تحت اجيبهالك

نعيمه….لا ولا اي حاجه والله

عسال….طيب انتي ارتاحي بقي و نامي و احنا هنمشي عشان فصلنا خلاص

نعيمه…..تمشي فين لا انت ولا هي هتمشوا انت تاخد نودي و تروح اوضتها و انا هدخل انام

عسال….لا بصي مش هينفع خالص

نعيمه….والله العظيم ما هتمشي يا ميدو بمنظرك ده

عسال….انا مش همشي احنا هنروح البيت عند نودي يعني جنبك

نعيمه…..والله العظيم هزعل منك بجد يا ميدو نادين قولي حاجه

عسال…..اسمعيني بس انا اصلا محتاج اغير كمان انا باللبس ده من امبارح الضهر و طول اليوم واقف علي رجلي مكانش عندي وقت اروح اغير فا خلينا نمشي و نصحي بس و نشوف الدنيا فيها ايه

نعيمه…..متبقاش رخم بقي يا ميدو يعني اتعبك كل ده و اسيبك تمشي

عسال…لا تعب ولا حاجه يلا ارتاحي انتي نودي لو حابه تباتي معاها خليكي

نعيمه…لا تبات فين خد مراتك في ايدك يا عم انا كده كده هنام زي القتيله