لقاء كـ،ـ،ـ،ـارثي

رحاب…..بص يا فضل كل اللي انت قولتوا انا فهماه و حاسه بيك اوي و يمكن بنسبة 90 في الميه انت صح و مش غاط و معاك كل الحق بس ايه رايك نتكلم بصراحه اكتر

فضل….ياريت

رحاب….تمام اولا بالنسبالي مفيش فرق بين ست و رجال في موضوع الكرامه و انا مش معقولة مفيش كرامه في الحب بالعكس الكرامه بتخلق احترام و بتزود الحب لما اللي بحبه يحافظ علي كرامتي و شكلي قدام الناس بيزود تحترامي ليه و بيخلي حبي ليه من غير ما تحس يزيد يعني موضوع الكرامه منتهي و حفاظك علي كرامتك و رجولتك دي حاجه مفيهاش نقاش

انت واحد بتحب و في علاقه و فجأه لاقيت نفسك غريب في العلاقه دي بتكتشف ان خطيبتك سابتك من غير سبب بتكتشف ان هي سافرت من غير ما تعرفك نهت الموضوع بينكم برساله فا طبيعي اي حد سواء راجل او ست بيتهز بياخد الموضوع علي كرامته بيحس باحراج فظيع قدام الكل انه اتساب بالمنظر ده بيحصل خلل في الثقه بالنفس بيحصل تساؤولات كتير زي ما انت قولت انا عملت ايه انا غلطت في ايه بتبقي واثق انك مغلطتش بس ضغط اللي حواليك بيخيلك تشك في نفسك و ده اللي حصل معاك عشان كده انا لما خدت صفك و دافعت عنك كنت شايفه ان معاك حق اما كلامي عن نعيمه انا زي ما قولتلك انا مشوفتش منها حاجه وحشه و بحسها لذيذه و طيبه كلامي عنها مكانش خوض فيها قد ما هو كان مجرد تبرير و نقاش عادي لحالتها جايز ليله زعلت و اتحمقت ليها وده طبيعي دي صاحبتها و يمكن انا غلطت او اساءت التعبير بس انا خابه اوضحلك اكتر نيتي او قصدي..

اولا الله اعلم نعيمه مالها او حصل معاها ايه يخليها تعمل كده بس في كل الاحوال لازم الكل يتفق علي حاجه واحده بس و ينسوا خالص ان نعيمه تخصهم صاحبتهم قريبه منهم علاقتهم بيها و حبهم ليها يحطوا علي جنب و يعترفوا ان نعيمه غلطت غلط كبير لما عملت كده لانه مش صح و لا من العدل اني عشان بحبك اشجعك علي الغلط و هما كان لازم يفصلوا بين حبهم لنعيمه و بين الصح والغلط حتي جوجو علي فكره لانها ماشيه علي نفس نهجهم..

خليني اكون حياديه عشان برضوا مبقاش جايه عليها انا اعتراضي الوحيد او خليني اقول رأيي بلاش اعتراضي لاني مليش حق اعترض وهو الطريقه اللي سابتك بيها يعني جايز اه بتمر بنغسيه مش حلوه جايز عندها مشكله مش قادره تتكلم فيها و الطبيعي ان في ناس لما بتحس انها مضغوطه بيبقي اسهل حل عندها الهروب فا كان الافضل ليك عشان تحافظ علي صورتك انها تقعد و تتكلم معاك و تنهي معاك الموضوع بشكل انت تكون راضي عنه يكفي انها احترمتك و قدرتك و مش مهم بعدها تسافر تفضل ترجع مترجعش كل دي حجات هتحصل بعد كده