لقاء كـ،ـ،ـ،ـارثي
رحاب….بابتسامه هو بعيداً يعني عن الهديه انت بجد كنت هتيجي بكره
فضل…..هو مش انا وعدتك
رحاب….بابتسامه اه
فضل….طيب يعني كنت هنفذ
رحاب…..بجد شكراً يا فضل شكرا علي كل حاجه هو انا ممكن اطلب منك طلب
فضل….طبعاً اطلبي
رحاب…..يعني ممكن نبقي صحاب هو اكيد احنا في العموم علاقتها كويسه بس انا مبسوطه بالتغيير اللي حاصل ده مبسوطه انك وثقت فيا و بتحكيلي اللي مضايقك و كمان مبسوطه انك موجود اول مره احس اني مش لوحدي اوي كده يمكن انا ديما وسطكم مش حاسه اني لوحدي بس انا مبسوطه بالتطور اللي حاصل بينا ده
فضل…..طبعا يا رحاب ممكن انا كمان مبسوط علي فكره و بصراحه مش هكدب عليكي قبل ما يحصل التطور ده كمت بشوفك عادي حد من العيله بس اول مره اكتشف ان شخصيتك حلوه كده انا كان اخري اسلم عليكي و بس
رحاب….بابتسامه وانا كمان
فضل…..خلاص اتفقنا يا صاحبي
رحاب….بضحك اتفقنا ممكن بقي تديني ولاعه
فضل….بابتسامه هتولعي سيجاره ولا ايه
رحاب….بضحك سيجاره ايه يا فضل يلا هات ولاعه
رفع فضل نفسه شويه و طلع الولاعه من جيبه حطت التورته علي كفها كانت صغيره بس للتصوير ولعت الشمعه و بصتلوا و ابتسمت.
رحاب…..نطفيها مع بعض
فضل….بابتسامه هز راسه نطفيها مع بعض
ركن علي جنب و بصلها رفعت التورته لفوق شويه و قربت حاجه بسيطه منه و رفعت الموبايل خدت صوره معاه
رحاب….يلا نطفي
فضل…..يلا طفيها
رحاب….طفي معايا
فضل….طيب مش بيقولوا تتمني امنيه الوقت
رحاب….بابتسامه صح غمضت عينها
فضل….بضحك كل دي امنيات
رحاب….بضحك والله هي امنيه واحده بس يلا طفي معايا
نفخوا في التورته
فضل….ها يا صاحبي اتمنيت ايه تبقي ميكانيكي قد الدنيا
رحاب….بضحك لا دي حققتها خلاص بس مش هقولك الامنيه الجديده عشان تتحقق
فضل….بابتسامه ماشي يا ستي عقبال ميت سنه
رحاب….ميرسي يا فضل
دور تاني و طلع بالعربيه
داست علي الزرار و شغلت الاغاني و رجعت سندت راسها تاني و هي مبسوطه جدا و فضلت ساكته شويه و غمضت عينها و نامت لحد ما وصلوا تحت البيت
فضل…..رحاب رحاب
قتحت عينها وبصتلوا و رفعت راسها بهدوء
فضل….وصلنا
رحاب…..هو انا نايمه بقالي كتير
فضل…..بضحك يعني مش اوي بس شكلك تعبانه
رحاب……لا خالص مش عارفه ايه اللي نيمني اصلا تعبتك معايا يافضل
