لقاء كـ،ـ،ـ،ـارثي
فضل…..انتي فين و راحه فين و بتعملي ايه هنا
رحاب….بابتسامه والله انا كنت بحتفل بعيد ميلادي لوحدي شاورتلوا علي علبه فيها تورتايه صغيره و يعني كنت بتصور انا والتورته الحزينه دي و قولت هروح بس انا قولتلك تقدر تعتبرني صاحبك و انا بصاحه مقدرش اسمع صوت صاحبي زعلان كده و اروح انام و اطنشوا قولت اجيلك
فضل…. بابتسامه بتتكلمي جد يعني انتي مش جايه لرضوي و بتشتغليني
رحاب…..لا والله العظيم ولا تعرف انا فين اصلا و بعدين انت هتفضل تتكلم كده من بره يلا روح اقفل ورشتك و تعالي يلا اخرجك خروجه تنسيك الزعل ده
فضل….بضحكه هاديه انتي اللي هتخرجيني و يوم عيد ميلادك
رحاب….ما قولنا بقي انا اجدع منك صاحبي طنشني وافتكر عيد ميلادي بصوره بس مش مهم اه يا سيدي انا اللي هخرجك و افسحك و احتفا معاك بعيد ميلادك اللي لسه مجاش يلا بقي و البس حاجه هي مراكز الاحساس عندك واقفه ولا ايه انا متلجه
فضل….بابتسامه طب اركني عربيتك و تعالي عربيتي لحد ما اقفل
رحاب….يا سلام اشمعني بقي اوعي تكون خايف من سواقتي انا بسوق حلو ملكش دعوه بالستات اللي مبوظه سمعتنا دي
فضل….بضحك عارف يا ستي بس هريحك من السواقه بما انه عيد ميلادك انهارده
رحاب….يا سلااام عالكرم اهو كده الجدعنه ولا بلاش يلا هركن علي جنب و هجيلك
فضل….وانا هروح اجيب الچاكت والمفاتيح وهقفل
رحاب…..تمام.
راحت رحاب ركنت العربيه و هو راح خد الچاكت و حاجته و بعدين قفل الورشه و راح عليها فتحلها الباب
رحاب…..كمان بتفتحلي الباب لا انا كده هغير رايي طلعت جدع و چنتل كمان
فضل….بابتسامه بحاول
ركبت رحاب و هي بتضحك و هو راح ركب جنبها و طلع بالعربيه…
…………………
اتصلت نعيمه تاني علي نادين بعد ما طلعت الطياره…
نادين….ايه يا نوني
نعيمه….نودي انا في الطياره الوقت تمام يعني شويه وهقفل الموبايل خلاص احنا هنطلع تقرببا الناس بس بتركب
نادين….ماشي يا قلبي اقرأي قران وادعي دعاء السفر و خدي بالك من نفسك و بمجرد ما تنزلي من الطياره افتحي موبايلك هتخرجي تلاقيني انا وميدو ماشي
نعيمه….حاضر يا قلبي متقلقيش انتي بس
نادين…..حاضر توصلي بالسلامه ان شاء الله لا إله الا الله يا قلبي
نعيمه…. بابتسامه محمد رسول الله باي يا نودي
