لقاء كـ،ـ،ـ،ـارثي
عشري….اسمعني انت هتفضل تتصل لحد ما ترد و تخليها تشيل الصور
فضل…انا خايف يشوفوا الصور
عشري…..حتي لو شافوها هنلاقي حل عادي هنقول اللي حصل ملكش دعوه بليله وايمي الوقت هيعدوهالك زي ما عدوهالي متقلقش
فضل…طب ولو نعيمه شافتهم اعمل ايه
عشري…..وحيااااة امك فارق معاك الوقت نعيمه يا اخويا مش مبسوط يعني وانت عامل فيها كذانوڤا
فضل….لا بص انا اضايقها بالكلام اوجعها عشان احس اني باخد حقي بس كده لا طبعا انت عارفني يا عشري انا مليش في الحوارات دي
عشري…..طب اسمعها مني بقي من واحد كدب كدبه واتعلم من غلطته حتي لو نعيمه شافت اتعامل عادي و قول اللي حصل كانت خروجه قدامه خروجه او جميل اترد قدام جميل و اللي هيتقال رحاب قدامك من زمان لو عينك منها كان حصل من قبل نعيمه و بعدين انت واحد رايح تسمع و تحل ولو في رحاب او غيرها مش هتعمل كده
فضل….طيب تمام انا المفروض الوقت اعمل ايه بقي مع نعيمه
عشري…..ولا حاجه هتكلمها وبهدوء
فضل….عشري انا مش هعرف اتكلم في التليفون كلام التليفون مبيحلش لو حصل كلام يحرق الدم اخرها قفلة سكه و الدنيا هتبوظ اكتر انا لازم اشوفها
عشري……تمام كلمها وقولها كده انك عايز تشوفها عشان تتكلموا اللي اعرفوا انها قريب هترجع متنساش ان خلاص حسان خلص البيت و سلامه بيفنش و قربوا يتجوزوا يعني كده كده هتنزل ولو انت مستعجل اسمع مني روحلها
فضل…..انا فكرت فيها بس
عشري…مفيش بس روح يا فضل كلمها الاول و خليها تبقي مكالمه عاديه و هاديه من غير كلام كتير او عتاب ملهوش لازمه اطمن عليها اسأل عن احاولها قولها انك محتاج تتكلم معاه وش لوش اسالها هتنزل قريب ولا تروحلها انت و هي لما تحس انك هادي مش هتكش منك البت عارفه انها غلطانه و طبيعي تهرب منك بلاش تخليها تفضل هربانه و خايفه من رد فعلك
فضل….ماشي يا عشري تمام
عشري…تمام ايه بالظبط
فضل….خلاص والله هعمل كده
عشري…. بابتسامه اهو كده اعقل يا ابو كراااامه
ضحك فضل و حس ان في امل حلو وارتاح كتير من كلامه مع عشري
عشري…بقولك تيه انت شكلك كده مودك مش مود شغل صح
فضل…بصراحه اه
عشري…طيب قوم تعالي نروح الكافيه الجديد و نبقي نشوف الشباب نخليهم يعدوا علينا نقعد مع بعض شويه
فضل….ماشي تمام يلا بينا بس الاول انت لسه زعلان
