لقاء كـ،ـ،ـ،ـارثي

اما رحاب فا فضلت نايمه علي السرير و هي عماله تبص علي الصور و تلعب في شعرها و مبتسمه كانت عماله تفتكر اليوم و مبتسمه استنت و فضلت صاحيه لحد الساعه سته و نص الصبح لحد ما اتأكدت ان عدي وقت و اكيد فضل نام حطت الصور بتاعتهم علي الانستجرام و كتبت علي الصور it’s a favourite day
نزلت صورهم في الحسين و هما مبسوطين و بيضحكوا مع الراجل بتاع العود و صورتها هي و هو في العربيه بالتورته و بعدها قفلت صوت الموبايل خالص و نامت وهي مبتسمه ..

……………….

عسال و نادين وصلوا المطار علي الساعه سته و ربع دخلوا لحد جوه و ركن عسال العربيه اتصلت نادين عليها تجرب كان لسه موبايلها مقفول كانت قلقانه اوب و طول الطريق عماله تدعي في سرها انها توصل بالسلامه

عسال…..ايه لسه مقفول

نادين….اه انا قلقانه اوي يا ميدو

عسال….ليه يا قلبي بس التشاؤم ده الوقت توصل و تبقي معانا

نادين….مش تشاؤم والله ياربت توصل بالسلامه بس مش هرتاح الا لو شوفتها

عسال…..هنشوفها الوقت باذن الله و بعدين الطيران خلاص مفتوح و دي مش اول رحله تطلع انتي شايفه المطار عامل ازاي

نادين….طيب بقولك ايه ما تيجي ننزل نبص كده عليها

عسال…هي معاد و صولها سته و نص الطياره تنزل يعني علي ما تدخل المطار و تخلص و رقها و تجيب شنطها هتاخد وقت الجو بره تلج انتي شايفه السماء شكلها عامل ازاي

نادين….انا مش بردانه والله و لابسه كويس عشان خاطري يلا

عسال…طيب ممكن عشر دقايق كمان اسمعي الكلام بقي

نادين….هتفرق ايه طيب الشمس هتطلع في العشر دقايق دول يلا بقي او اقولك لو بردان خليك انت انا هنزل

عسال….استنييييي تنزلي فين لوحدك

نادين…..بصتلوا انت بتزعقلي

عسال…..ااااه عشر دقايق و ننزل

بصتلوا بتكشيره و ربعت ايدها و بصت قدامها و لع سيجاره و طنشها

بصت بطرف عينها عليه

نادين….ميدووووو

عسال….بابتسامه انزلي يا نادين انزلي انا عارف مش هسلك معاكي

ابتسمت و بسرعه فتحت الباب و نزلت

نزل هو كمان و قفل العربيه و قرب مسك كفها الجو كان تلج و هواء جامد قربوا اكتر من الزجاج الفاصل بينهم و بين المطار و قفت قدامه و هي متلجه و حاطه أيدها في جيبها

قفلها السوسته بتاعت الچاكت احد رقبتها و لبسها الكاب بتاع الچاكت

عسال…..مبسوطه انتي من التلج ده شايفه مناخيرك بسرعه احمرت ازاي