لقاء كـ،ـ،ـ،ـارثي
انت يا عشري مش عايز تزعل ليله مش عايز تقول ان انا اللي صح و نعيمه اللي غلط عشان متزعلش منك علي صاحبتها ونفس الحوار مع الشباب كلهم بيرضوا البنات بس علي حسابي انا
عشري…..بهدوء اقولك علي حاجه انت مفيش حرف قولتوا الا ومعاك حق فيه و انت صح بس صدقني محدش فينا كان قاصد يطلعك بالشكل ده ولا حد فينا كان جاي عليك بالمعني اللي وصلك فضل احنا صعبان علينا تخلص بينكم كده بنيجي عليكم عشان ترجعوا بس مش عشان تفهمنا غلط ليله وايمي اللي وقفوا قدامك هما اول اتنين مغلطين نعيمه في كل حرف صدقني هما لو شايفينك وحش او غلطان في حق نعيمه مش هيعملوا كل ده عشان يقنعوك بالعكس هيقولوا مع السلامه بس هما بيحبوك و عارفين انك بتحب نعيمه و نعيمه بتحبك بس انت غلطان يا فضل لا انا و لا الشباب ممكن نرضي حد علي حسابك حتي لو كان ليله و البنات
فضل انا لما كلمت نعبمه لاول مره غلطتها قدام ليله نفسها هي كمان غلطتها احنا بنيجي عليك قدامك بس من وراك مغلطين نعيمه عشان زي ما قولتلك الحوار بينكم مش ناقص ولعه سهل يا فضل نقول كلمه حق بس صعب نراضي نفوس شالت من بعض الا لو بكدبه بيضا بسيطه
زي ما الكل اشترك معايا في كدبتي دي زي ما قولت احنا كمان كلنا بنشرتك معاكم انتوا الاتنين في نفس الكدبه او خليني اقول اننا بنهدي النفوس من وراء كل طرف فيكم و بما انك يا فضل عايز تسمع سبب فا احنا مش مختلفين حقك يا اخويا و احنا كان معانا حق لما طلبنا منك فرصه و السبب مش هيتعرف الا لو اديت فرصه مش عيب و مش هتمس كرامتك بالعكس المرادي انت اللي هتبقي متحكم في العلاقه يا تسمت حاجه ترضيك و تقنعك و تكنل يا اما براحتك صمم علي موقفك بس اللي بينكم يستاهل انه ياخد فرصه في البدايه لما ليله قالتلي عايزين نتكلم مع فضل قولتلها قبل ما نتكلم مع فضل اتكلمي مع نعيمه انتوا صحاب و مش هتخبي عليكي حاجه شوفيها فعلا خدت قرار غلط بسبب حالتها النفسيه ولا هي مانت عايزه تسيب فضل فعلا لاني مش هقنع فضل بحاجه و اعشموا و في الاخر تطلع هي فعلا مش عايزه تكمل و انا بقولهالك لو مكنتش حسيت بندم ولو واحد في الميه من ناحيه نعيمه مكنتش هرضاها عليك يا اخويا و اقنعك معاهم البت بتحبك و بتحبك اوي كمان و انت فارق معاها و ندمانه يا فضل مفيش حد فينا مبيغلطش يا اخويا كلنا بنغلط و كلما بنتصرف غلط و كلنا بنتهور و بناخد قرارات مش صح في وقت احنا بنبقي ضايعين فيه من نفسنا و اديك شوفت بنفسك اللي حصل مع نعيمه نفس اللي حصل مع محمود يمكن احنا لحقنا محمود بسبب الخناقه اللي حصلت و بسبب ان امي خلفت عليه ما يخرج و قالت لابويا قبل ما ياخد شنطته و يعمل اللي عملتوا نعيمه صدقني اللي وقف محمود خوفوا من غضب امي و ابويا بس نعيمه مدتش اي هينت ولا انذار عشان نعرف نوقفها هي عقلها ركبها و مشيت من غيرما حد يعرف و انا واثق ان لو حد فينا كان حس و وقفها كانت هتقعد وضعهم نفس الوضع هو اكتئب و قرر يسيب كل حاجه و ساب رحمه في مكالمه تليفون زي ما نعيمه سابتك في رساله واهو راجل و اتعرض لنفس الحاله بس الفرق هنا بينك وبين رحمه يا اخويا ان وجعك سيطر عليك محمود لما رجع مقالش سبب مقنع و مع ذلك البت متمسكه بيه و هو ده بس اللي انا طالبه منك افهم ياسيدي علي الاقل متتمسكش بيها زي ما رحمه اتمسكت بمحمود و ادي فرصه بس انك تسمع حسيت من جواك كا رااااجل ان نعيمه خرجتك من جواها و طبعا انت اكتر حد يحس بده وقتها كمل حياتك من غيرها حسيت بوجع وندم و الحب لسه زي ما هو جواها ادي فرصه حتي لو السبب بالنسبالك مش مرضي بس وقتها حط شروطك ان ده ميتكررش تاني و انا واثق انها هتحافظ علي الفرصه دي و مستحيل تضيعك من ايدها تاني متخليش شيطانك يركبك يا حبيبي انا عارف ان كرامة الراجل بتوجع اوي و يمكن البنات مش هتفكر زيننا و هتاخد الموضوع بحساسيه اكتر زي ما ايمي قالت احنا بنعدي و انتوا لا بس انا حاسس بيك والله العظيم ادي فرصه ليك يا سيدي مش ليها ماشي.
