لقاء كارثي
لقاء كارثي
فضل …تمام لما ترجعي هاخدها منك
ليله….ماشي يا فضل
تقي…ليله انا همشي انا روحوا انتوا يلا
ليله….هنوصلك الاول مش هتمشي لوحدك
تقي…..ياستي عادي هركب وامشي
سليم …استني طيب انا هوصلك
عشري…ارجع انت و فضل انا هوصلها يلا تقي
تقي…..متشيلوش همي هعرف اكيد امشي ما انا جايه لوحدي
عشري….اركبي يلا بقولك
ليله….يلا ياتقي
نادين ….ليله طمنيني عليكي لما تروحي
ليله… ماشي يا قلبي
ركبوا كلهم و اتحركوا وراء بعض وصلوا تقي وبعدين طلعوا علي التجمع طلع عشري معاها و قعد شويه لحد ما خدت حاجتها و خدت القطه و بعدين نزلت هي وعشري ركبوا العربيه و اتحرك بيها علي زايد.
في العربيه…
ايمي….يعني هي لوحدها الوقت
لله….ماهو مرافق واحد بس اللي هيفضل معاها
ايمي…..طيب البت كويسه
ليله….اه والله الحمد لله الدكاتره طمنونا و خرجوها من الرعايه بس مش بتبطل اسئله
ايمي….ولا هتبطل اكيد قلبها حاسس ان في حاجه
ليله….انا خايفه من نعيمه لانها مش قادره تمسك نفسها من اسئله نسمه
ايمي….معلش غصب عنها انتي مروحه بجد
ليله….ياستي والله مروحه هكدب عليكي يعني نعيمه مش هتسكت قالت مش هرجع غير لما تخرج نسمه محدش يبات
ايمي…..ماهي عندها حق كده احسن عشان لما تخرج نبقي معاها
ليله…..ان شاء الله يا قلبي
ايمي…..طيب خلاص روحي يلا وانا هبقي اطمن عليكي بليل
ليله…ماشي يا ايمي انتي كويسه
ايمي….الحمد لله يا ليله كله تمام علي مهلكم بقي
ليله…..ماشي يا قلبي يلا باي
ايمي….باي
سابت ليله الموبايل عالتابلوه بتعب و سندت راسها وغمضت عينها
بصلها عشري ومسكها من خدها بحب
عشري…..ايه يا حبيبي مالك
ليله…..دماغي هتنفجر من الصداع الموبايل مبطلش رن الكل بيطمن علي نسمه كان هاين عليا اعمل مكالمه جماعيه اطمنهم بدل ما انا قاعده اكرر نفس الكلام بس هما قلقانين برضوا
عشري…معلش المهم انها خرجت بالسلامه
ليله….الحمد لله
عشري…..وحشتيني و وحشتي البيت
ليله…. بابتسامه بصتلوا انت كمان وحشتني و البيت وحشني اوي حاسه اني بقالي كتير اوي سيباه بس مكنتش قادرة اسيب نعيمه في الظروف دي
عشري…..عارف يا قلبي المهم انك راجعه و نعيمه بخير و اطمنت علي نسمه و عقبال ما نطمن علي نادر كمان و يخرجوا بقي عشان نعيمه ترتاح شويه
ليله….يارب يا عشري و تعدي علي خير بقولك ايه اوعي ننسي قطتها خلينا نديها لنجود
