لقاء كارثي

نعيمه….سعات بحس ان نادين هبله
و مبتفهمش الهزار

نادين….والله ابدا بس في مواقف جديده علينا مع بعض معرفش رد فعل كل واحده فيكم هيبقي ازاي عشان كده سالتها مش عيزاها تضايق

نعيمه….لا طبعا مستحيل ليله تضايق
يا نادين دي اول واحده هتفرح عشانكم

ليله……انتوا حته من قلبي يا نادين واي حاجه تفرحكم بتفرحني قبلكم و حتي لو لا قدر الله ربنا مش كاتب اني اكون ام ولادكم هيبقوا ولادي زي ولا اميمه وقمر و وليد

نعيمه….بعد الشر عليكي ان شاء الله تفرحينا قريب

نادين….انتي هتبقي احلي واحن مامي في الدنيا و زي ما ربنا خد منك حد هيعوضك بالاكتر و هنفرح بيكي يا لولي انتي وعشري ببلطجي صغنن

نعيمه…. بابتسامه او رقاصه صغننه

ضحكت ليله و ثواني وسمعوا خبط علي الباب و الجرس بصوا لبعض بسرعه.

عسال…..بابتسامه يا ابني بطل جنان متخبطش كده

فضل….عايز افرح نعيمه

في الداخل

نعيمه…..ايه ده في ايه ؟

نادين…..مين بيخبط كده عالصبح

ليله….استنوا لحظه قربت ليله من الباب بسرعه بصت من العين السحريه لقت فضل و ميدو فتحت بسرعه بس وهي قلبها مقبوض

و بمجرد ما نعيمه شافت فضل اتسمرت في مكانها نادين كمان برقت بصدمه عينها بقت علي فضل وميدو و علي نعيمه و ليله واققه مكانها و بصالهم محدش فيهم قدر يسال في ايه الثلاثه كل اللي جه في بالهم في اللحظه دي ان نسمه او نادر جرالهم حاجه

وشهم ابيض و قلبهم كان هيقف و مش بيتحركوا نادين بس قربت من المرسي بتاع البار اللي نعيمه قاعده عليه ومسكت دراعها و ليله كانت واقفه من بعيد بصالها برعب..

دخل فضل بسرعه هو وميدو

فضل…..صباح الخير يا ليله بص لنعيمه و كمل بابتسامه نعيمه نسمه فاقت يلا بسرعه عشان نروحلها

و طت ليله مسكت ركبها و كأن جسمها مبقاش شايلها

نعيمه مسكت قلبها وبسرعه انهارت

نعيمه…..حرام عليك يا فضل حرام عليك وقفت قلبي

مسكت نادين رقبتها وحست انها مش قادره تتنفس

نادين…..ميدو الحقني

قرب منها ميدو بسرعه و فضل وقف للحظه مصدوم من رد فعلهم مكانش يقصد يخوفهم بالمنظر ده هو كان عايز يفرحها ويفرحهم.

ليله…..وهي مش قادره تتحرك خطوه والله ما عندكم دم شوف نادين بسرعه

عسال…..نادين اهدي يا قلبي خدي نفسك براحه

قرب فضل من نعيمه بسرعه

فضل….والله مش قصدي

نعيمه…. بدموع و انهيار ابعد عني حرام عليك اووووعي