لقاء كارثي

فضل….لا مش كده بس لو شايفين ان انسب ليها تقضي ليله او اتنين كمان خليها استنينا كل ده هنيجي الوقت نستعجل

ليله….المهم انها فاقت يا نعيمه

نعيمه…..ماهو انا خايفه يكون في حاجه اكتشفوها ومش عايزين يقولوا

ليله…بعد الشر كل دي اجراءات عاديه و لو بالفرض بعني لا قدر الله في اي مشكله مش هيخبوا علينا يعني

فضل….دكتور القلب قال انها بخير وتمام و مفيش اي قلق و الاشعه وقالت مفيش ارتجاج او نزيف و زي الفل يعني خير

ليله….احنا مش قولنا نتفائل شويه و بعدين ربنا كريم معانا اهو الحمد لله هانت يا نوني كلها شويه وتبقي في حضنك

نعيمه…يارب يا ليله يارب

سليم…خير ان شاء الله

فضل….روحي ارتاحي انتي في الغرفه يا ليله عشان متتعبيش

ليله….لا انا تمام يا فضل متقلقش

نعيمه….ليله باذن الله يعني لو نسمه خرجت اكيد هضطر ابات معاها و انتي اكيد هترجعي لو ليكي حاجه تاخديها ممكن تاخدي القطه تديها لجوجو لحد ما اخرج

ليله…حاضر عيني

الباب اتفتح و بدا الدكاتره يخرجوا طمنوهم عليها و قالول انها بخير و عشر دقايق وهتخرج بيجهزوها

و فعلا عشر دقايق بالظبط و خرجت نسمه فضلت نعيمه ماسكه كفها و بتمد مع الممرضين بسرعه و سليم وفضل و ليله قدامهم سابقين عشان يخلوا البنات يوسعوا

ليله…..بنات تعالوا ثواني نسمه جايه

تقي…..طيب طيب

نادين…الحمد لله

خرجوا بره كلهم و قرب الممرضين و ووراهم الدكتور دخلوها و نقلوها السرير و حطولها المحاليل تاني و اطمن عليها الدكتور و خرج نعيمه كانت معاها جوه هي وليله

الدكتور….حمد الله علي سلامتها

فضل…تعبناك يا دكتور

الدكتور… متقولش كده ده شغلي انا طبعا هفضل متابع حالتها و هعدي عليها كل شويه و الممرضه معاها هتتابع الضغط و كل حاجه كل ساعه و ياريت زي ما قولت مش حابين نجهدها بالعدد يعني نطمن و نسيبها اختها بس اللي هتفضل موجوده

فضل….تمام اطمن يا دكتور

الدكتور…..حمد الله علي سلامتها

فضل…..الله يسلم حضرتك

في الداخل….

نعيمه….بدموع نورتي الدنيا يا قلب اختك

ليله….حمد الله علي سلامتك يا قلبي خوفتينا عليكي

نسمه….بتعب ابتسمت ليله

ليله….بلمعه في عينها باست كفها يا قلبي وحشتيني والله

الباب خبط و دخلت ايه و تقي ونادين و بعدين فضل و سليم وراهم

قربت منها تقي وهي منهاره و بتعيط