لقاء كارثي
لقاء كارثي
عشري…..فضل قالي انه هيقف شويه في الكافيه هنبقي نديهالوا
ليله….انت هتوصلني وتنزل صح
عشري…..اه هنزل بس اشوفهم و اطمن ان الشغل تمام و هبقي اطلع انا اصلا مرهق جدا و محتاج ارتاح
ليله……طيب يا قلبي اكون انا خدت شاور و عملت اكل
عشري…..انتي تطلعي تاخدي شاور و تريحي شويه و متعمليش اي حاجه انا سيبتك ورجعت البيت جيبت كل اللي ناقص و العشاء حجزته هنزل ابص عالشغل في السريع واجيب الاكل وهطلع
ليله…..بضحكه جميله انا نفسي اعرف ايه حوار الاكل معايا انا وانت انا بدأت اقتنع انك مش بتحب اكلي
عشري….بضحك والله البت ايه طلعت غلبانه ومش بومه انتي اللي بومه عشان يارخمه والله بتصادف و بحب اريح مش اكتر بس انتي اللي مركزه في الحوار
ليله…. بضحك طب بذمتك مش ده اللي بيحصل يا بنتعزم من بعد جوازنا يا بيتبعتلنا اكل يا انت بتجيب اكل
عشري…..لا بس مته جيش انتي عملتي اكل كتير برضوا
ليله….برضوا شاكه فيك
عشري….طب وحياه امك لا هتعملي بكره اكل و هوقفك في المطبخ و هتعبم انتي مينفعش معاكي ذوق و مش هريحك تاني يا ستي انا غلطان
ليله…..بضحك ملكش دعوه عايزه احس اني مش نحس و في مشكله معاك في اكلي
عشري….طب وغلاوة ليله عندي انا لو عليا مش عايز اكل غير من ايدك بس انا مش حابب اتعبك اصلا من الصبح وانتوا في المستشفي لسه هترجعي تعملي اكل بعد اليوم ده كمان انا مش عايز اتعبك و عايز اطمن ان التحاليل بتاعتك بتتحسن
ليله….بس انا بقيت كويسه
عشري….وانا مبقتش اصدقك و من هنا ورايح اللي هيفصل بيني وبينك كلام الدكاتره
ليله…..بتصدق الدكاتره وانا لا يا بلطجي
عشري….اه يا قلب البلطجي لاني حافظك
ليله….ماشي يا سيدي اللي تشوفوا
عشري……بقولك ايه مش محتاجه اي حاجه او نفسك في اي حاجه اجيبهالك
ليله….لا يا قلبي سلامتك انا بس عايزه اخد شاور حاسه اني بقالي زمن مخدتش شاور مع اني كل شويه باخد والله
عشري….اعترفي انك مبقتيش ترتاحي غير في بيتنا
ليله…..اعترف طبعا و ده بجد
عشري……باس كفها هتنوري بيتك يا قلب عشري انا اللي مبقتش ارتاح غير في وجودك
ابتسمت ليله وسندت علي كتفه بحب
ليله…..بحبك يا بلطجي
عشري…..وانا بحبك اكتر
بعد وقت مش طويل اوي وصلوا وخد منهم فضل القطه اخوات عشري سلموا علي ليله و عشري الكبير لما لمحها في العربيه قام بنفسه راح يطمن عليها نزلت ليله من العربيه سلمت عليه كان مبسوط انها كويسه ورجعت شويه وراح وصلها عشري وطلعوا فوق دخلت ليله سابت شنطتها و دخلت قعدت علي الكرسي اللي باصص علي الشارع الدنيا فاضيه قدامها والڤيو يجنن وحشها خدت نفس هادي كله راحه
