لقاء كارثي

سليم…..دكتور هو ليه محدش دخلني الرعايه انا عايز اطمن عليها

دخلهم علي جوه تاني و قعدوا يتكلموا

الدكتور….مبدأياً مش عايزكك تقلقوا نسمه فاقت وزي الفل اولا انا طلبت منهم في المستشفي هنا يبلغوكم انها فاقت معرفش قالولكم مراحل بدايه ما فاقت ولا لا

فضل….هو اللي كلمني قال انها فاقت الساعه ثمانيه و بعدين دخلت تاني في غيبوبه ورجعت فاقت علي عشره

الدكتور….طيب مبدأياً نسمه فاقت اربع مرات مش مرتين اول مره كانت
الساعه 2 كانت معاها الممرضه قالتلي انها فاقت لمده تسع ثواني بالظبط فتحت عينها وحركت كفها قربت منها بسرعه بس رجعت غمضت رجعت تاني الساعه 4.45 دقيقه بعد الفجر صحيت حوالي نص دقيقه ورجعت نامت..

علي الساعه 8 اتكرر نفس الموضوع ثواني بسيطه و نامت لحد بقي ما فاقت الساعه عشره كنت انا وصلت فاقت و اتكلمت لاول مره فضلت تسأل انا فين انتوا مين هديتها قولتلها متقلقيش انتي كويسه قعدت تسأل علي اخوها والدها والدتها وعليكي و كررت في كلامها الحادثه العربيه و بعدين حسيت انها اتوترت وبدأت تعيط هديتها قولتلها كلكم بخير و كويسين و سألت عنك تاني قولتلها هبلغها حالا بس لما اطمن عليكي الاول طبعا بالنسبالي كانت اهم حاجه انها متذكره ودي اول حاجه تطمن يعني لا في فقدان ذاكره ولا اي حاجه سألتها لو شيفاني سمعاني كويس استجابتها هايله حركنا صوابع الايد الرجل الحمد لله مفيش اي مشاكل طبعا سحبنا عينه عشان نرجع نطمن ان تحاليلها ونسبها كويسين ققيشنا الضغط كان عالي شويه بس داورد من التوتر والقلق في النهايه هي فاقت لقت نفسها لوحدها وطبعا بتستعيد اللي حصل فا كل ده وترها

ضربات قلبها مكانتش منتظمه و برضوا بسبب التوتر سألتها لو في حاجه تعباها قالتلي صداع و قالتلي دراعي واجعني وجسمي طبعا ادينها مسكن في المحلول انا محبتش اضغط عليها اكتر واخليها تتكلم لانها لسه فايقه المفروض ان الوقت هنعمل شويه فحوصات واشعه عشان نطمن اكتر

ليله…..طيب هي كده هتفضل في الرعايه و لا هتتنقل غرفه تانيه؟

الدكتور…..نطمن من الفحوصات الاول وحالتها هي اللي هتحدد بس لحد الوقت انا شايف ان هي كويسه يعني ممكن تخرج عادي و تتنقل غرفه لكن مش حابب اخد اي خطوه غير وانا مطمن

عشري…طيب معلش يا دكتور هي بعد ما فاقت الساعه عشره رجعت دخلت تاني في غيبوبه ولا هي فايقه الوقت ومستوعبه