لقاء كارثي

نادين….اه بيكلمني و بيطمن علي نعيمه

ليله…..مراته مزعلتش معاه عشان مراحش يقضي الويك اند معاهم

نادين…والله يا ليله هو مقالش وحتي لو ده حصل مظنش هيقول بس كنت بشوفه بيتكلم معاها و عادي يعني

ليله…..ربنا يهديهم هي اكيد فهمت ان الظرف خارج عن ارادته

نادين….يارب ميبقاش في مشاكل مش عايزه حاجه تحصل بينهم بسببي

ليله….لا خير هو اكيد فهمها شيري هتمشي امته

نادين…..مامي مقالتش انها هتمشي الوقت بس هي قاعده لسه شويه

ليله….خليها عشان تشبعي منهم شويه

قربت منهم نعيمه بعد ما لبست و كانت شايله القطه نزلتها قدام الاكل بتاعها

ليله…..يا سلام علي اللي مبقاش يخاف

نعيمه…..بابتسامه هاديه بقبنا صحاب خلاص بس هي بس

نادين…..متحاوليش ان يبقي في اكتر من كده مع نعيمه ده حدث اصلا انها تمسك قطه في حضنها

ليله….بس جميله خالص والله

نادين….بابتسامه ايوه صغنونه و ميتخافش منها اصلا

ليله…تعالي يلا افطري فضل زمانه جاي

نعيمه…قربت وقعدت جنبهم جيت اتصل بيه لاقيت الموبال بيحدث مع نفسه بقاله سنه مش راضي يفتح

نادين… ايوه في تحديث جديد

ليله….طيب خدي موبايلي كلميه

نعيمه…..لا مش مهم بلاش اخليه يستعجل خليه براحته

ليله….ايمي لسه قافله معايا كانت بتطمن عليكي

نعيمه….تلاقيها اتصلت ولاقته مقفول

ليله…لا لا متصلتش هي خافت تكوني نايمه و تصحيكي بس اتصلت عليا انا تسال عليكي

نعيمه….لو عرفتي انها عايزه تيجي يا ليله متسمعيش كلامها متخليهاش تيجي

ليله….هي فعلا عايزه تيجي بتقولي بقالي يومين اهو مرتاحه وانا كويسه قولتلها نعيمه اصلا بتنزل وبترجع متاخر خليكي

نعيمه….فظيعه مبتقعدش خالص

ليله….معلش هي مش هاين عليها تسيبك و مضايقه لانها مش قادره

نعيمه…عارفه والله بس انا عيزاها ترتاح و عيزاكي انتي و نادين كمان ترجعوا بقي بيتكم كفايه كده بجد صعبان عليا عشري و ميدو

نادين…..ياستي مالهم ماهما كويسين حد فيهم اشتكي

نعيمه…ومش هيشتكوا يا نادين فا المفروض احنا بقي يبقي عندنا دم و نريحهم حبه

ليله…..هنمشي والله اول ما نطمن علي اخواتك

نعيمه….طيب افرضي طولوا يا ليله هتفضلي انتي وهي معايا انا عايزه افهم بس انتوا قاعدين ليه يعني خايفين عليا وانا لوحدي ؟؟ هيحصلي ايه يعني اكتر من اللي حصلي هتعب ما انا تعبانه هنهار مبقاش فيا حيل هعيط والله العظيم دموعي نشفت حاسه ان عيني حصلها جفاف هيحصل ايه