لقاء كارثي

نزلت دموع نسمه من غير ولا كلمه

تقي…..بدموع قومي بقي وحشتيني يا نسمه

ابتسمت نسمه ابتسامه بسيطه كلها تعب

خدوها ونزلوا وهما سبقوهم علي الدور اللي تحت دخل معاها سليم في ممر طويل راحوا لغرفه الاشعه و هما وقفوا بره كانوا عمالين يهدوا في نعيمه ويطمنوها..

بعد حوالي ساعه الا ربع خرجت نسمه مع سليم والدكتور مره تانيه في خلال الساعه الا ربع دول كانت ايه وسلامه وصلوا وسلمي وحسان كمان و رشيد و محمود و عمرو وحماده

ايمي كانت كل دقيقه تتصل علي ليله وهتتجنن عشان تروح بأي طريقه و طبعا الباقي كلهم عرفوا بس البنات كانوا بيقولوا محدش.يجي لسه ممنوع الزياره

طلعوها تاني علي فوق دخلوها مكانها

نعيمه…..دكتور الاشعه كويسه سليم قال ان حضرتك قولت انها كويسه

الدكتور…..زي الفل اطمني انا كنت قلقان من الارتجاج البسيط اللي كان عندها بس هي بخير و مفيش اي داعي لاي قلق استجاباتها كلها ممتازه معندهاش اي مشاكل عضويه

نعيمه…. طيب ليه حضرتك دخلتها تاني الرعايه

الدكتور…..اولا انا بلغتهم يجهزولها غرفه لكن مش هتتنقل فيها علي الاقل الا بعد ساعتين تلاته عشان تفضل تحت الملاحظه و كمان في كام دكتور استشاري هيطمنونا عليها يعني استشاري باطنه و رعايه مركزه عشان يتابع الحالة العامة ووظائف الجسم بعد الخروج من الرعاية.

كمان في استشاري قلب عشان لو كان فيه مشكلة بالقلب أو اضطراب في الضغط او النبض أو سبب الغيبوبة له علاقة بالدورة الدموية.

استشاري صدر عشان هي كانت على جهاز تنفس فا يتأكد تاني لو عندها مشكلة في التنفس هي من وقت ما شيلناها من علي الجهاز وهو مطمني بس نتطمن تاني

كمان استشاري مخ واعصاب يتابع الوعي الذاكرة الحركة الاستجابة العصبية وهل فيه آثار عصبية بعد الغيبوبة كل دي حجات لازم نطمن عليها قبل ما ننقلها غرفه عاديه و طبعا انا كمان محتاج اطمن علي الجراحه اللي عملتها و اتأكد انها بخير فا متقلقيش كله في صالحها هما هيوصلوا بعد وقت بسيط و خلال الوقت ده غرفتها هتكون جاهزه لو تمام وخلاص مش محتاجه الرعايه هتتنقل فورا

سلمي…..ولو الافضل ليها يا دكتور انها تفضل في الرعايه بعد ما فاقت احنا مش مستعجلين

رشيد…ايوه المهم انها تبقي كويسه ومفيش اي مشاكل تحصل

الدكتور….اطمنوا كل ده احنا هنتأكد منه و نشوف الانسب ليها بس متقلقيش عليها هي بخير