لقاء كارثي

ليله…..بطرقه مضحكه اه باللي منك لله انتي وهي انتوا يابت عايزني استني كلكم تحملوا و انا احمل ده ناقص استني لما تظبط معاكم وتجيبوا ولد بعدها ابقي احمل

نعيمه….بصحك لا لا بعد الشر ان شاء الله تحملي قبلهم كلهم بس المهم لو جبت ولد وانتي بنت حتي لو اكبر هيتجوزوا بعض

نادين…لولي جوزيها لابني انا عشان انا وميدو طيبين مش هنضايقها

نعيمه….وانا وفضل اشرار

نادين… بضحك لا مجانين

ليله….طيب انا بقول ارفع الشبشب علي بنتي اللي في علم الغيب و عمالين تقسموها عليكم دي اسمعي يا بت منك ليها مش معني اني راضيه باللي حصل و قولت الحمد لله اني هسمح لكلبه فيكم تحمل قبلي ايمي فلتت منكم دي متجوزه قبلي يعني هي في امان انما انتوا يا اوطي من الرصيف تبطلوا قلة ادب و تلموا رجليكم يا اختي شويه لحد ما احمل انا

ضحكت نعيمه و نادين بعد جملتها ولاول مره من فتره طويله ترن نعيمه الضحكه

ليله بضحك حطت ايدها بسرعه علي بوئها

ليله….احييييييه علياااااا طب استهدي بالله انا اسفه عالنكش

نادين….بضحك اقول عليكي ايه طيب

ليله….بضحك انا مالي هي اللي فضيحه

نعيمه….بضحك يا شيخه حرام عليكي الحمد لله ان مفيش حد هنا

ليله…..بضحك والله وحشتني ضحكتك يارب ترجع تسمع الدنيا كلها

نعيمه…..بضحك نظره نادين ليكي قتلتني

نادين….قليله الادب بجد

ليله….مش وحشكم لساني احمدوا ربنا ان ايمي مش هنا كان زمانها قالتها صوت وصوره

نادين…..بابتسامه طب بجد يا لولي انتي ممكن تضايقي لو حد من البنات حمل

ليله….انتي عبيطه يا نادين لا طبعا انا بهزر انتي بتتعرفي عليا ولا ايه

نادين….لا والله بس بسال و عادي علي فكره قولي اللي جواكي

ليله…..جوايا ايه يا بنت الهبله ده انا فرحتي مش ختبقي سيعاني لو شوفتكم حوامل كلكم وخصوصا انتي والبت ايه و علي فكره ده من قبل ما نتجوز اصلا من زمان نفسي اشوفك وانتي حامل وام هتتعاملي ازاي و نفسي اوي اشوف ايه المجنونه اللي هتبقي اعيل من ولادها خصوصا بقي في وجود سلامه يعني الاتنين مجانين اكيد بهزر يا نودي ده انا لما كنت بجهضت و بموت من الوجع لما شوفت ايمي و امنيه ماسكين بطنهم و مش قادرين يقفوا بقيت هتجنن و عايزه حد يلحقهم بسرعه يارب يا قلبي افرح بيكم و اشوف ولادكم و ان شاء الله ولادي و يطلعوا بيحبوا بعض زيننا