لقاء كارثي

راحتنا النفسيه او هدوء بالنا من ضغوط الحياه نعمه تستحق الشكر

الشغل واليوم اللي بيخلص من غير مشاكل نعمه تستحق الشكر

القاعده الحلوه اللي انتي مفتقداها واللي كلنا اكيد مفتقدينها نعمه تستحق الشكر

مشكلتنا اوقات بتكون في عدم الرضا كمان طول ما احنا مركزين مع مشاكلنا و مصايبنا اللي بتحصل و بتخلي البني ادم اعمي عن نعم تانيه في حياتنا كتير لسه موجوده

نادين….ليله معاها حق يا نعيمه انا طمان اللي حصل ده خلاني حسيت بقيمه حجات كتير كانت حلوه في حياتنا لدرجه اني حنيت لايام كنا فيها بنختلف و بنزعل و بنتخانق عشانها

نعيمه….اوي والله يا نادين انا افتكرت مشكلتي قبل السفر مع سلمي وايه و زعلنا من بعض افتكرت نقار و خناق ايمي و ليله لما الاتنين بينشفوا دماغهم بقول ياريت ترجع تاني كنا فاكرين انها مشاكل كبيره طلعت اصغر بكتير من اللي احنا فيه الوقت

ليله….الحمد لله علي كل حاجه بتحصل وهتحصل الحمد لله علي نعمه وجودنا مع بعض و الحمد لله علي اي حد فارقناه احمدي ربنا يا نوني و ادعي من قلبك يقوم اخواتك بالسلامه و ارضي من جواكي بنصيبتك عشان ربنا يهونها علي قلبك انتي واخواتك

نعيمه…الحمد لله علي كل حال راضيه والله و نفسي بس اطمن علي نسمه ونادر

نادين…..هنطمن كلنا و يرجعولنا بالسلامه

نعيمه…. اللهم امين يارب

ليله….تعالي يا قلبي خدتها ليله في حضنها و خدت نادين كمان باستهم من راسهم الاتنين طول ما احنا مع بعض كل حاجه هتهون و هتعدي

نادين…يارب

نعيمه…..ربنا يخليكم ليا انا من غيركم ولا حاجه يا ليله وجودكم اكبر نعمه ورزق في حياتي هفضل احمد ربنا عليها لحد ما اموت

ليله……بعد الشر عنك ربنا يخلينا لبعض و ترجع ضحكتنا وقعدتنا نفرح باخواتك و خروجهم نفرح بتخرج نسمه و ولاده ايمي و حمل البنات و جوازك انتي وفضل

نعيمه….و نفرح بيكي انتي كمان يا ليله لما نشيل حته منك و واخده منك كل حاجه حلوه واولهم قلبك

نادين….لولي هو انتي ممكن تستني شويه متحمليش وانا احمل قبلك عشان اجيب ولد و اجوزه بنتك ما انا مش هسيبك ولا عادي حتي لو حملتي هجوزهولها غصب عنكم ما امه هتبق بعملتها قبله و اتجوزت راجل اصغر منها

نعيمه…. بابتسامه لا معلش اركني انتي علي جنب خالص بنت ليله انا اللي هاخدها

نادين…. بضحك لو ايمي سمعتنا هتموتنا انا بقول نخلي بنت ليله تختار احسن