لقاء كارثي

نسمه…..انتوا مخبين عني ايه طيب ليه مش عايزين تتكلموا

ليله….لا مش مخبين احنا مش عابزين بس نتعبك في الكلام لان الدكتور نبه علينا بصي يا قلبي الحادثه كانت كبيره بس الحمد لله عدت علي خير انتي وووو هما يعمي دخلتوا في غيبوبه بسبب تأثير الحادثه بس عديتوا من الخطر و حالتكم استقرت و كنا بس مستنين انكم تفوقوا و علي فكره كنا متوقعين ان نادر يفوق قبلك هو و نوجا ونجلاء ااا يعني عشان هما حالتهم كانت احسن منك بس انتي طلعتب قويه عنهم شويه و فوقتي قبلهم

نسمه…..يعني ايه هما في غيبوبه

نعيمه…بدموع انتي كمان كنتي في غيبوبه يا نسمه بس الحمد لاه اهو انتي فوقتي و مستنين هما يفوقوا في اي لحظه

نسمه…انتوا بتكدبوا عليا طيب انا حاسه انكم مخبين عني حاجه

ايه….يابت هنخبي ايه ده احنا كنا خايفين عليكي انتي و اديكي اهو قومتي

نسمه…طيب هما فيهم ايه حصلهم ايه من الحادثه

فضل…ولا حاجه زيك دخلتوا في غيبوبه بس كان في كسور انتي في دراعم نادر في رجله يعني كدمات كسور جروح بسيطه لكن الغيبوبة مأثرتش علي اي حاجه فيكم حالتكم كانت مستقره الحمد لله و طول الوقت الدكاتره بيعملوا كل شويه فحوصات عشان يتاكدوا انكم بخير و بتستجيبوا وبس احنا بقي كلنا متظرين انهم يفوقوا زيك كده

نعيمه…اطمني هيفوقوا قريب اصلا نادر كان جنبك في الرعايه لما خرجنا لحد ما الدكاتره تطمن عليكي روحت شوفته هو بخير و مستنين يفوق

نسمه…طيب ماما وبابا فين

نعيمه…اااه فوق في

ليله…في الدور اللي فوق يا نسمه ااا لان غالبا هنا في الرعايه كل حاله بتتوزع في الرعايه علي حسب حالتها يعني الكسور في مكان اا كدمات بسيطه في مكان كده يعني

سليم…..ااا انتي و نادر كنتوا متأثرين بالحادثه اكتر زي ما الدكتور خدنا تحت كده في الاشعه كان في ارتجاج بسيط بس الحمد لله حاليا مفيش لكن هما كسور عاديه فهمتي

نسمه….بدموع نادر خباني في حضنه يعني هو كده تعبان اكتر مني هو مخباش نفسه

نعيمه…بدموع ااا لا لا يا قلبي بقولك كنا متوقعين يفوق قبلك اصلا هو حالته افضل منك

نسمه… طيب انا عايزه اشوفهم

فضل….بس كده عيني انا هخليكي تشوفيهم بس تقدري تقومي الدكتور يقولك تتحركي امته و كده كده انا موجود معاكم هاخدك و نروح مع بعض بس لما هو يقول

ايه…ايوه عشان ممكن الحركه تبقي غلط علي دماغك الوقت الراحه ليكي افضل