لقاء كارثي

امينه….كيفك يا نور عيني

ليله….الحمد لله يا حبيبتي

امينه…..طمنيني علي نسمه اخبارها ايه بكلم سليم مبيردش

ليله….. هي زي الفل الدكاتره كلهم معاها بيطمنوا عليها قبل ما تسيب الرعايه و تقعد في غرفه عاديه و سليم و فضل و نعيمه هناك اكيد مستنين الدكاتره تطمنهم لان نعيمه مش ساكته هتتجنن

امينه… طبعا يا حبيبتي دي اختها انتي مش معاهم ولا فين

ليله….لا معاهم بس هما جهزوا الغرفه واحنا قاعدين مستنينهم فيها عشان منبقاش كتير قدام الرعايه

امينه… ايوه ايوه فهمت طيب عشان خاطري يا ليله طمنيني انتي ياحبيبتي سليم مبيردش خالص و قلقت عليه

ليله…اكيد مش سامع والله هو حبيبي برضوا متوتر فا معلش انا هكلمك او كلميني انتي الموبايل في ايدي

امينه….ربنا يريح قلبك يا ليله خلاص روحي يا حبيبتي و شويه واطمن عليها

ليله….ماشي يا حبيبتي مع السلامه

قفلت ليله و ثواني بالظبط واتصلت ايمي

ليله…..احيه علي سنترال الحريه اللي انا عايشه فيه

ايه….بضحك هو في ايه صحيح

ليله…لسه مخرجتش يا ايمي

ايمي….لا بصي تطولي بالك معايا احسن و كتاب الله اقوم البس و اجي انتي عارفه اني بتلكك

ليله….طب كويس يا اختي ان انتي اللي عارفه انك بتتلككي

ايمي…..يبقي اظبطي معايا و ردي زي الناس يابت هتجنن واطمن عليها

ليله……ما انا بطمنك اهو في مره اتصلتي ومردتش من الصبح بتتكلمي و برد موبايلي بقي سنترال

ايمي…..طيب طمنيني مفيش اخبار

ليله….والله ما خرجت لسه بس تخرج و تدخل الاوضه هطمنك بس لحد الوقت هي بخير اطمني

ايمي…..طيب خلاص لما تخرج بس عرفيني و متنسيش تطنشيني يا ليله

ليله….لا مش هطنشك يا قلب ليله عيوني عايزه حاجه تاني

ايمي….ليله انا ليه حاسه تنك بتاخديني علي قد عقلي

ليله….بضحك انا اقدر يا قلب ليله

ايمي…..طب اظبطي

ليله….لا حول ولا قوه الا بالله يابت انا نطقت

ايمي….غور يا بت انتي اصلا تربيه وسخه انا غلطانه اني عبرتك

ليله…..بضحك طيب يا ستي شكرا باي

ايه…. بضحك لولي انتي خايفه من ايمي

ليله…بسايسها اعمل ايه طيب و رحمه امي بتحرب علي خناقه عشان تقلب التربيزه و تيجي بنفسها حفظتها خلاص

نادين….بضحك اه والله حسيت انها عايزه تنكش اي حد عشان تقوم تلبس وتيجي

ليله….اقطع دراعي ان ما كانت قاعده لابسه اصلا ومستنيه تنكش حد عشان تيجي