لقاء كارثي

نغم….لا انا مش مضايقه انت ليه فهمت كده

تامر….انا مفهمتش كده انا بقول لو بديكي مثال يعني

نغم….انا مش مضايقه با تامر انا عشانك انت مش معقول تنزل كل يوم بدري ومش معقول كل يوم تروح توصلني

تامر….طيب بالنسبه لنزولي بدري احنا بننزل الساعه 8 عشان انتي بتبدأي 9 احب اقول لحضرتك ان في اوقات بصلي الفجر و بنزل شغلي يعني 8 دي ممكن اوقات تبقي متأخر و اضطر انزل بدري واسيبك تروحي لوحدك عادي فا موضوع النزول بدري ده انتي فهماه غلط بس الفتره دي عشان انا لسه ىاجع من تجازه ولسه مكناش بدانا شغل كتير فا بننزل متأخر شويه و بما انك هتنزلي في نفس المعاد فا انا مش شايف اي مشكله اننا ننزل مع بعض اصلا انتي نفس طريقي

نغم…..انا مش عايزه اتعبك او اعملك دوشه يا تامر

تامر….هو انا اشتكيت

نغم…لا بس مش هستناك تشتكي و اصلا انت مش هتشتكي يا تامر

تامر….لان الموضوع بسيط وسهل يا نغم احنا طريقنا واحد والمعاد بالنسبالي مناسب لو حاسس اني محتاج انزل بدري هعرفك لو طريقي هيتغير في يوم هعرفك غير كده انا تمام يبقي سيبيها ماشيه زي ما هي و اكيد لو في تغغير في اي حاجه هنبقي مع بعض وهعرفك يعني تمام

نغم…..تمام يا تامر

تامر…..نقفل بقي الموضوع

نغم….بابتسامه حاضر

تامر….قوليلي بقي اللذيذ اخباره ايه

نغم….بضحك ماله ده كمان

تامر…..بابتسامه لا عادي بتطمن عليه بس

نغم….بحضك لا اطمن متقلقش كويس

تامر….كويس هااا ماشي

نغم…..بضحك ماشي

تامر…..لما تخلصي عرفيني وانتي ماشيه

نغم…حاضر

تامر….خلي بالك من نفسك

نغم….وانت كمان يلا روح شوف شغلك

تامر…..تمام يلا باي

نغم….باي

قفلت نغم وهي مبسوطه ومبتسمه

…………..

وصلوا علي المستشفي قابلوا تحت تقي كانت جايه بتمد وبتجري و عشري كان بيركن طلعوا بسرعه علي فوق دقات قلب نعيمه مكانتش تتوصف متحمسه و ملهوفه و خايفه وبتترعش كل مشاعرها كانت متلغبطه

طلعوا علي فوق و راحوا الاول علي الدكتور قبل ما يدخلوا علي طول كان سليم و عدي وصلوا قبلهم فوق و ماشيين في طرقه طويله و بيدوروا علي الدكتور والدكتور كان خارج من مكتبه و رايح لنسمه قربوا منهم بسرعه كلهم.

فضل…..مساء الخير يا دكتور

الدكتور….بابتسامه مساء الخير حمد الله علي سلامه اختك

نعيمه…..شكرا يا دكتور هي فاقت بجد واتكلمت حالتها عامله طيب بعد ما فاقت