لقاء كارثي

تقي…..طيب ما تخلوها تيجي حرام بدل ماهي قاعده متوتره كده

نادين….مينفعش لازم ترتاح

ليله….تيجي فين انتي كمان مصدقنا خليناها ترجع البيت الدكتوره قالت متتحركش عندها طلق مبكر

تقي….ايه طلق مبكر ده هتولد خلاص يعني

ليله….لا ده بيجي من كتر المجهود او التوتر بيبقي طلق قبل المعاد واصلا هي مينفعش يجيلها طلق لانها مش هتولد طبيعي

تقي…لا يبقي خليها تتهد بقي بلاش فرك

ايه….بضحك لو سمعتك هتنفهك

تقي….بابتسامه لا ماهو لو غلط عليها تقعد فعلا

ليله….ربنا يعديها علي خير والله العظيم انا حاسه ان انا اللي حامل مش هي تعبت اعصابي من اول حملها

نادين…لا هي فظيعه بجد انا حاسه ان ايمي حامل بقالها كتير

ايه…..ماهو من كتر ما هي شاده اعصابنا حاسين بتقل الايام بجد نفسي اشوفها والده وارتاح منها انا كمان

نادين…ربنا يقومها بالسلامه يارب

رن موبايل نادين

ليله…..يلا امسكي الشيفت شويه من السنترال

نادين..بضحك ده ميدو الووو

عسال…ايه يا حبيبي خرجت

نادين….لسه يا حبيبي بس احنا في الاوضه مستنين تخرج

عسال….طيب خير باذن الله بس في اي اخبار يعني طمنوكم ولا ايه

نادين….هي الدكاتره بيعملوا الفحوصات ليها و ان شاء الله خير فضل و سليم و نعيمه معاها

فضل….تخرج هلي خير بامر الله لما تخرج طمنيني طيب

نادين….حاضر والله هطمنك

عسال….عايزه اي حاجه

نادين….لا يا حبيبي سلامتك

عسال….الله يسلمك باي يا تويتي

نادين…باي

رن موبايل تقي

ليله….بعصبيه تضحك لا احييييه احيه بجد

تقي….ايوه يا ماما

مها…..طمنيني يا تقي نسمه عامله ايه خرجت

تقي….لسه والله مخرجتش بس هي كويسه اول ما تخرج هطمنك

مها….طيب متطنشنيش يا تقي

تقي…..حاضر والله

مها…..طيب يا حبيبتي يلا سلام

تقي….باي بصت لليله وضحكت

ليله….اعصابي باظت خدوا بالكم الموبال ده اوسخ اختراع انا لو مين اتصل تاني مش هرد والله

مكملتش الكلمه و رن موبايلها عشري اللي كان بيتصل و لمحت ايه اسمه

ايه…. بضحك ماهو يا تصومي وتردي يا هتتنفخي

ليله….بضحك ضربتها علي كتفها منك لله يا حيوانه

تقي….مترديش و اقفلي الموبايل

ليله…اطلعي منها يا رخمه منك ليها احممم الوووو ايه يا حبيبي

ايه…..بتريقه ايه يا حبيبي

عشري….ايه يا عمري في اخبار

ليله….بغيظ ضربتها لا لسه يا قلبي الدكاتره وصلوا و بيطمنوا عليها بس جهزوا الاوضه واحنا قاعدين فيها الوقت