لقاء كارثي

ليله…..مش هيطولوا يا نعيمه انا واثقه والله هانت

نعيمه…ياستي انا بقول افرضي و بعدين طيب لو حد فيهم فاق والتاني طول شويه هتفضلوا هنا برضوا مش هينفع والله

ليله….ياستي اوعدك اللي هيفوق فيهم و يبقي كويس هنسيبك و نرجع اكيد مش هنسيبك خالص بس هنرجع شويه

نعيمه….وفرقت ايه بس ؟

ليله….فرقت اننا مش هنسيبك لوحدك مهما عملتي ياستي لا هتتعبي ولا هتنهاري ولا هتعيطي بس وجودك لوحدك صدقيني هيتعبك انا جربت قبل كده و عارفه بقولك ايه

نعيمه…..يا ليله بلاش عند لو انا غاليه عندك اسمعي كلامي انتي و نادين عشري وميدو متكلموش بس هيجي عليهم وقت ويزهقوا و يزعلوا واحنا مش مربوطين بوقت معين اخواتي يفوقوا فيه احنا منعرفش امته هيفوقوا امته

نادين…محدش هيزعل ولا هيزهق يا نعيمه

ليله…..انتي سمعتيهم الف مره بنفسك ولو فرضنا يا نعيمه ان هيجي عليهم وقت ويزهقوا ويزعلوا تفتكري هنسيبك ؟! لو حد فينا مكانك هتقدري تسيبينا

نعيمه….انا مهما اتكلمت مش هاخد معاكم حق ولا باطل اصلا انتوا بقيتوا تتعبوني من كتر جدالكم في موضوع قعدتكم ده

نادين….طيب سؤال هو احنا مضايقينك في قعدتنا يا ستي لو مش حابه نتكلم معاكي مش هنتكلم

نعيمه….انتي يابت هبله ده اللي فهمتيه من كلامي

ليله….بابتسامه شكلها كده يا صغنن عايزه توزعنا عشان شيخ العرب يختلي بيها

نعيمه…بابتسامه سخريه اتنيلي

ليله….بضحك ايه مش عايزه طب بلاش انتي هو

نعيمه….بضحك مفيش حيل خلاص

ليله….بضحك لا ما دي سيبيها عليه هو بقي ريحي انتي خمسه

نادين….بضحك ايه بتبصيلي ليه هي اللي قليله الادب انا متكلمتش

نعيمه….خلصت من ايمي و لسانها طلعت ليله

نادين….بضحك سيبيها والله وحشني قله ادبها

ليله…..بابتسامه موجوده متقلقيش بس هي واخده اجازه الفتره دي

نعيمه…..انتوا عارفين اني نفسي في يوم من ايام زمان لما كنا بنتجمع و نضحك ونهزر من قلبنا لولي ايمي يفضلوا يقلوا ادبهم و ايه بجنانها وسلمي بعقلها و كسوفها من كلامهم و هبلك انتي كمان وانتي عامله زي الاكرش في الزفه

ليله….هترجع يا قلبي والله كل ده هيرجع بس هي دي الدنيا شويه تحت شويه فوق شويه حزن شويه فرح

نعيمه….بابتسامه حزينه تفتكري هترجع اصلا يا ليله انا عن نفسي مفتكرش حاسه ان كل حاجه من بعد ابويا وامي انتهت