لقاء كارثي

سليم…..متقلقي شعليهم الدكاتره هنا مهتمين و محدش مقصر مع اي حد فيكم

ليله…..ممكن بقي نسكت شويه و نرتاح و نبطل كلام و بس تبقي احسن هنرغي كلنا للصبح

تقي….لا مفيش وقت للرغي هي تقوم و ترجع تذاكر

نسمه….اذاكر ايه خلاص السنه راحت

تقي…..راحت ده ايه انتي يابت بتتلككي انا جيبالك كل محاضراتك اللي فاتتك و هما مش كتير و روحت بنفسي من تاني يوم الحادثه انا وزمايلك عديت علي دكتور دكتور و بصراحه كانوا محترمين و بقوا يبعتواك حجات مهمه معايا و في شباب من زمايلك سجلوا المحاضرات يعني كل اللي فاتك معايا و هنذاكر سوا

سليم ..ايوه هتذاكر و هتجيب تقدير كمان

ليله….ان شاء الله تتخرجي و تفرحينا كلنا و نخلص من السنه دي بقي عشان نجوزكم ونفرح بيكم

ابتسمت نسمه و بصت لتقي

نسمه….ربنا يخليكي ليا

تقي….ويخليكي انتي ليا و تقومي بالف خير و نروح من هنا بقي كلنا

نعيمه…يارب

فضلوا قاعدين معاها و شويه وهي نامت تاني طمنوا الكل بقت تقوم وتنام من تأثير الادويه سلامه جه هو و ميدو اطمنوا عليها و كانوا مبسوطين انها فاقت و بتتكلم اينعم باين عليها التعب بس هي بخير

شويه وعدي عليهم رشيد اطمن عليها و كلهم كانوا بيتكلموا معاها ان الكل بخير عشان متحسش بأي حاجه عشري وحسان كمان جم

وبعد شويه طلب منهم الدكتور يسبوها بقي ترتاح سلموا كلهم عليها و فضل سليم معاها شويه بيطمنها وقالها هيكلمها علي موبايل نعيمه و الصبح هيكون عندها

فضل كمان قال لنعيمه انه هيجيلها اي وقت تحتاجه حتي لو الفجر و هيكلمها كل شويه و الصبح هيجيلها

البنات كمان طمنوا نعيمه و قالولها تثبت علي نفس الكلام ومتحاولش تبين اي حاجه

وبعدين نزلوا كلهم اتحركوا رشيد و حسان رجعوا علي شغلهم

سلامه…..طيب خد بقي في ايدك ايه و ارجعلي انا هسبقك

عسال….طيب انا كده كده هوصل نادين

عشري…لو عايزني انا اوصلهم وترجعوا للشغل روحوا

عسال…لا انا كده كده هوصل نادين و ايه و هرجع

سلامه….ايه يوحي انتي مع ميدو ونادين عشان في شغل كتير اوي

ايه…طيب تمام روح انت يلا

عشري….فضل هتمشي انت وسليم

فضل….انت مش رايح زايد

عشري… اه هنوصل بس تقي وليله عايزه تروح التجمع تاخد حجات من هناك و هوصلها بعد كده

فضل…. ليله متنسيش القطه بتاعت نعيمه

ليله….متقلقش هاجيبها معايا