لقاء كارثي

عشري حط شنطتها اللي كان فيها لبسها و بعدين راح قعد قدامها و مسك كفها الاتنين باسهم و بعدين بصلها

عشري……نورتي بيتك يا تاج راس البنات كلهم

ليله….. بابتسامه تجنن البيت منور بيك يا عشري وحشتني

عشري…..و انتي وحشتيني بجد يلا قومي بقي خدي شاور وارتاحي و انا مش هغيب عنك ساعه بالكتير وهكون هنا اتفقنا

ليله….ماشي يا حبيبي

عشري…..متقفليش علي نفسك من جوه احسن تدوخي واول ما تخرجي كلميني

ليله……حاضر

عشري…..بابتيامه تجنن ولو سمحت يعني متخرجيش بالشبشب بتاع الحمام بره عشان حبيبتي بيركبها ميت عفريت لما المايه تكون عالارض

ليله…..بضحك ده انا برضوا

عشري….بضحك لا ما انا بسمع عشان تعرفي اني شاطر و ملتزم بالقوانين

ليله…..انت اشطر راجل في الدنيا

عشري….. وانتي احلي حاجه في حياتي يلا هقوم انا ماشي

قامت ليله وقفت وراحت معاه لحد الباب وهي لافه ايدها علي وسطه

عشري….اه ضحيح في حاجه جوه ليكي عالسرير

ليله….حاجه ايه

عشري..اااا ابقي شوفيها بقي انتي مع نفسك

ليله….بضحكه جميله ايه هديه بتحتفل برجوعي

عشري…. بابتسامه توتر و ارتباك لانه مش متعود علي الحجات دي اااا يعني اه و في ورقه اوعي متاخديش بالك منها

ليله…..بضحك ايه كاتبلي جواب يا بلطجي وحشتك ايام المراهقه

عشري….بابتسامه غيظ و لسه باين عليه انه متوتر من اللي عملوا بصي هتطلعيني مسرح هدخل اخد الورقه واتكل علي الله فا اظبطي كده عشان مروقش عليكي

ليله….بضحك حضنته جامد طب خلاص قلبك ابيض يا بلطجي

عشري….يلا انا ماشي يا رخمه

ليله….جواب هااا

عشري….بضحك رخممممممه بس بحبك

ليله….متتأخرش عليا

عشري….مقدرش باي

ليله…..باي يا عمري

قفلت ليله الباب وراه ودخلت جري علي جوه فتحت باب الاوضه كانت هاديه ورايقه و علي السرير في ظرف و جنبه فيه علبه قربت بهدوء بصت علي العلبه لقتها برفيوم نوعها المفضل ابتسمت و بقي عندها حماس اكبر قعدت علي حرف السرير و فتحت الظرف طلعت منه ورقه كبيره كانت مكتوبه بخط ايده وش و ضهر وبدأت تقرأ وهي حاسه ان حراره جسمها عاليه و مش علي بعضها كانها اتحولت هي كمان لمراهقه بتقرأ رساله من حبيبها من غير ما حد يشوفها..

و ابتسمت تلقائياً اول ما قرأت اول جمله ضحكت من قلبها وهي عينها مدمعه وقلبها بيدق