لقاء كارثي

نعيمه….بدموع انا مش قادره اقف والله لسه بنتكلم و كلام البنات خلاني عندي امل لما شوفتكم داخلين كده كل حاجه راحت قلبي كان هيقف

فضل……لا بالله عليكي خلاص اهدي حقك عليا وبطلي عياط

ليله….خلاص يا نوني اهدي يا قلبي الحمد لله افرحي نسمه فاقت يلا خلينا نروحلها

نعيمه….والله ما قادره اقف

فضل…طب خليكي شويه اهدي وبعدين نقوم

ليله….خليكي قاعده هروح البس لسه نودي انتي كويسه

نادين…..اه احسن خلاص

عسال…..طيب هتقدري تروحي ولا لا

نادين….مسحت دموعها لا هقدر انا تمام انا بس خوفت شويه

عسال…..منك لله يا فضل الكلب

فضل…..بابتسامه ضربه في كتفه ياعم خلاص ما صدقنا سكتناهم

نعيمه…..فاقت بجد

فضل….والله العظيم فاقت كلموني من المستشفي قالوا انها فاقت الساعه 8 الصبح لمده دقيقه و بعدين رجعت نامت تاني حاولوا ينبهوها مردتش خالص بعدها فاقت علي عشره كده قامت فضلت تسال انا فين قالولها انهم هيتصلوا بيكي

نعيمه….بدموع يعني هي كويسه صح مفيهاش حاجه

فضل…والله ماقلوش ان فيها حاجه و هي باين انها كويسه هنروحلها الوقت ونطمن عليها و هنشوف هيخرجوها اوضه عاديه ولا هتفضل

نعيمه….انا هبات معاها مش هسيبها

فضل….لو خرجت علي اوضه اكيد هتحتاج مرافق بس لو فضلت في الرعايه ممكن مينفعش

عسال….المهم شوفيها وطمنيها و بعدين نشوف هيحصل ايه

نعيمه….سكتت ثواني وبصتلهم هقولها ايه لو سالت هعمل ايه يا فضل

فضل…..ولا اي حاجه هتقولي ملهم بخير و كلهم كويسين هنقول ان الحادثه كانت صعبه بس كله عدي منها وهي اول حد يفوق

نعيمه….لو قولتلها كده برضوا هتخاف و ممكن تتعب

عسال….لا يا نعيمه متخافيش بس انتي لو قولتليها انهم بخير هتسال هما فين يعني طمنبها وفي نفس الوقت حسسيها ان حالتهم كلهم كانت خطيره و عدوا منها عشان تصدق علي الاقل و ياريت انتي والبنات متلبسوش اسود

فضل….اه يا نعيمه بلاش نخليها تاخد بالها من تفاصيل صغيره زي دي

نعيمه….بدموع يعني هلبس ملون ازاي طيب

نادين….نعيمه خدي طيب اي شيميز والبسيه وانتي في العربيه قبل ما نطلع نشوفها بس هما معاهم حق لما تشوفنا كلنا لابسين اسود كده هتشك اننا بنكدب عليها

نعيمه….يطب هاخده معايا

نادين…وانا كنان هقون البس بسرعه

عسال….قادرن تقومي

نادين….اه خلاص انا تمام متقلقش