لقاء كارثي

دخلت شالت الورقه في خزنتها و حطت البرفيوم علي التسريحه و راحت طلعت غيار و دخلت خدت شاور طووووويل ريحت فيه اعصابها و بعدين خرجت اتسرحت و حطت من البرفيوم و خرجت علي بره تشوف لو البيت ناقصه حاجه لو ليله غسيل مكانش سايب اي حاجه

عملت قهوه و راحت قعدت قدام الشباك ولعت سيجاره و كل ده ابتسامتها مش مفارقاها

اطمنت علي نعيمه و نسمه و عرفت ان الوضع هادي و تمام وهي كويسه جالها كذا تليفون من ايمي و سلمي وقمر و وليد و امينه و بعدين سابت الموبايل و حبت تفصل انهارده عشان تبقي مع عشري و تديه حقه حتي لو باهتمامها فضلت قاعده مكانها حوالي ساعه لحد ما سمعت صوت المفتاح و الباب بيتفتح لفت راسها بهدوء لقته داخل ومعاه شنط كتير ابتسمت و هو ابتسم ليها بحب

قامت بهدوء راحت عليه نظرته ليها وهي بتقرب كانت تجنن كانه بيشوفها لاول مره بتتحرك في البيت

عشري….. بابتسامه اتأخرت عليكي

ليله…..بابتسامه لا

عشري….اااا طيب تعالي كده بقي

خدها معاه عالمطبخ حط الشنط كلها عالبار

عشري…ده الاكل و دي حجات كانت ناقصه و الشنط دي بتاعتك

ليله…..فيها ايه

عشري…. بابتسامه ااا يعني شيبسي و عصاير و ايس كريم و شوكلت حجات كتير اللي بتاكلي منها

كانت بصاله بحب و حاسه انها بنته مش بس مراته

قربت منه و شدت كفه خليته ساب الشنط و شبت علي اطراف صوابعها وضمته جامد

ابتسم عشري وضمها اوي و دفن راسه في رقبتها يشم ريحتها

عشري……ريحتك وحشتني يا ليله

ليله…بحبك يا عشري بحبك يا مراهق

عشري….. بابتسامه وانا بموت فيكي يا قلب المراهق

وللحديث بقيه…….