لقاء كارثي

سلامه….طيب براحه متجريش كده يلا مستنيكي هوصلك

ايه….لا خليك انت روح شغلك هر ح بالعربيه

سلامه….يا بنتي اخلصي هاجي معاكي اطمن عليها يلا بس

جريت ايه تلبس بسرعه..

……….

ليله…ايمي نسمه لسه فايقه يا قلبي يعني اكيد محدش فينا هيدخلها بسرعه ولا عارفين هتتنقل امته اوضه عاديه خليكي لحد ما نعرف و بعدها نشوف هنعمل ايه

نعيمه…قوليلها متجيش عشان متتعبش احنا هنطمنها

ليله….اهو سمعتي

ايمي…..طيب اجي اشوفها وبعدين مش هاجي تاني

ليله…طب وليه يا ايمي ما تستني لما تخرج عشان تشوفيها و تطمني اكتر

ايمي….طيب هتطمنيني

ليله….هطمنك والله يا قلبي ما انا لما عرفت الوقت اهو طمنتك متقلقيش

ايمي…طيب تمام انتي كويسه طيب انتي والبنات

ليله…زي الفل يا قلبي طمنيني عليكي انتي بخير

ايمي…الحمد لله

ليله…وحماده وزوزو

ايمي….كلنا بخير

ليله….القي طمنيهم بقي ماشي

ايمي….حاضر يا قلبي ليله هستناكي تطمنيني ها

ليله….حاضر والله يا قلبي يلا باي

ايمي….باي

………….

اتصل تامر علي نغم يطمن عليها..

نغم….بابتسامه الووو

تامر…..ايه الاخبار

نغم….بخير الحمد لله

تامر…كويسه

نغم…..اه الحمد لله انت عامل ايه

تامر…..تمام

نغم….انت في الشغل صح

تامر….اه وصلتك و روحت علي طول علي هناك

نغم….تامر علي فكره احنا عايزين نتكلم مع بعض انهارده شويه لو رجعت بدري يعني

تامر….في ايه

نغم….لا خليها لما اشوفك احسن و تكون مش مشغول

تامر….انا مش مشغول و فاضي الوقت لو مشغوله انتي تمام نأجلها

نغم….لا فاضيه بس انا عارفه لو اتكلمت في الموبايل مش هتديني فرصه وهتمشي اللي في دماغك فا الافضل اكون قدامك

تامر….طيب قولي وهسمعك والله انا مش عارف انتي بتتكلمي علي ايه اصلا

نغم…..علي توصيلك ليا كل بوم الصبح يا تامر انت بتنزل بدري شويه عن معادك عشان تلحق توصلني و بعدين انا نزلت خلاص شغل جديد و عرفت الطريق و بقيت انزل عادي لوحدي و مبقتش اخاف يعني مبقاش في مشكله فا مينفعش كل يوم توصلني خليني انزل عادي و هركب اوبر و هرجع لاني اصلا برجع لوحدي فا ايه المشكله اني اروح لوحدي وانت تنزل براحتك

تامر….خلصتي

نغم…..اه خلصت طبعا هتقولي اقفلي الموضوع

تامر…لا والله مش هقولك كده اول حاجه لو انتي مضايقك اني بوصلك وحابه تنزلي لوحدك انا معنديش مشكله من بكره يا ستي انزلي