لقاء كارثي

عمرو….محتاجين مني اي حاجه طيب

نعيمه…تسلم ياعمرو

فضل…حبيبي يا عمور ربنا يخليك هكلمكم انا واطمنكم

عمرو …وانا هخلص كده كام مشوار وهرجعلكم

فضل…ماشي يا حبيبي

عشري…بهمس هكلمك لو محتاجه حاجه عرفيني

ليله….مقولتليش ليه انك خدت العربيه

عشري…..كنتي تعبانه و اصلا انا مخدتهاش اللي خدها سليم كان جاي مع عدي في يوم وقولتوا خد عربيه ليله براحه وانت ماشي وديها علي زايد اكيد مش هتركبيها وهي بالمنظر ده وانا مش هركبهالك اصلا

ليله….ابوه بس عشان لو حبيت اتحرك

عشري….. ملكيش دعوه دي هنحلها بعدين المهم الوقت تخلي بالك من نفسك ماشي

ليله….حاضر يا حبيبي .

…….

عدي….هرجع زايد كده شويه و هجيلكم اخر النهار لو في اي حاجه كلميني

تقي…ماشي يا عدي

عدي…..انتي هتفضلي موجوده صح

تقي….لحد ما تخرج ونطمن عليها شويه بس هملمك يعني لو طلبوا مننا نمشي عشان ترتاح

عدي….ماشي يا حبيبي مع بعض بقي علي التليفون اوك

تقي…..تمام

سلموا الشباب عليهم ومشيوا كلهم و معاهم سلمي راحت عيادتها

و مفضلش مع نعيمه الا فضل وسليم و ليله و نادين وايه وتقي

………………….

فضلوا قاعدين و كل شويه يقوموا ويروحوا يبصوا من بعيد علي نسمه و يطمنوا عليها و يطمنوها انهم موجودين و يرجعوا تاني يقعدوا شويه و بعدين عرفوهم ان الغرفه جاهزه لو حابين يرتاحوا فيها دخلوا جوه يستنوا نسمه في الوقت ده كان الدكاتره معاها الكل بيطمن عليها اتعمل عليها زي كشف كامل من كل التخصصات لان رغم ان اصابتها كانت اقل شويه من نادر لكن كانت حادثه قويه

في الغرفه ….

ليله…خليكي يا اميمه هتيجي تعملي ايه هي اصلا بمجرد ما تخرج للاةضه و نطمن عليها مش هيسبوها لانها محتاجه راحه

اميمه…..مش عايزه نعيمه تبقي لوحدها و عايزه اطمن علي نسمه

ليله….يا ستي احنا معاها متقلقيش خليكي بكره تكون ارتاحت اكتر و نبقي اطمنا ان هي بخير اكتر مش عايزين نهجم عليها مره واحده كده عايزه اقولك اننا مشينا كل الشباب والله

اميمه….طيب ابقي طمنيني انتي يا ليله والله هتجنن من وقت ما عرفت

ليله….حاضر والله هطمنك وبكره تعالي شوفيها بنفسك

اميمه….طيب يا حبيبتي شويه كده هكلمك لما تخرج

ليله….ماشي يا قلبي يلا مع السلامه

قفلت وردت علي امينه ايوه يا امونه