لقاء كارثي

عسال….نادين اتنفسي براحه والله مافيه حاجه انا قولتلك يا فضل خبط براحه يا اخي

فضل…..والله ما اقصد نادين مفيش حاجه متخافيش قعدها طيب واديها مايه

قربت ليله ببطئ وهي بتجر رجليها كانها اتشلت

ليله…..نودي اهدي يا قلبي متخافيش براحه

نادين نزلت دموعها بهدوء و هي مش عارفه تتنفس

ليله…..هات المايه دي يا ميدو

خدتها منه وحطت علي ايدها و غسلت وش نادين

ليله…..اهدي اهدي خلاص

نعيمه….حرام عليك يا فضل والله العظيم حرام عليك ده انا مش ناقصه

فضل…اسف والله اسف حقك عليا وحياه ربنا نا اعرف انكم هتخافوا كده انا لما جالي تليفون اتصلت عليكي افرحك واقولك احهزي بسرعه لاقيته مقفول ونادين موبايلها مقفول برضوا و ليله مش بترد قولت لميدو تعالي ننزل بسرعه نروحلهم حقك عليا والله انا كنت فرحان وفكرت اني هفرحك عشان عارف انك مستنيه الخبر ده

عسال….نادين انتي كويسه

هزت راسها بهدوء و هي بتاخد نفسها بسرعه خدها في حضنه كانت عماله تعيط

عسال….خلاص والله احنا اسفين اهدي عشان خاطري

فضل….نودي والله ما قصدت حقك عليا

عسال….ليله اقعدي انتي مش قادره تقفي

ليله…..حرام عليكم والله انا قلبي وقف و رجلي مش شيلاني

عسال…..والله قولتلوا خبط براحه هو جاي فرحان و عايز يفاجئ نعيمه

فضل…..والله لو اعرف انكم هتخافوا كده مكنتش خبطت كده اصلا

نعيمه…..بدموع انت وقعت قلبي يا فضل انت عارف اني في وضع ميسمحش باي مفجأه خالص

فضل…. بابتسامه وتأثر قرب منها وضمها طب خلاص انا اسف والله اسف انا غلطان نادين احسن

نادين….بدموع انا كويسه خلاص

عسال…حقك عليا انا و الله محدش فينا قصد يخوفكم كده

ليله…..خلاص حصل خير بس بالله عليكم متتكررش تاني اينعم انتوا حابين تفرحوها بس في اوقات حتي المفجاه اللي تفرح مينفعش تيجي بالشكل ده اقسم بالله انا ركبي سابت مش قادره اقف ولا حتي اسالكم في ايه

نعيمه….انا قلبي وقف والله ما قادره اقوم من عالكرسي

فضل….طب اهدوا بالله عليكم انا اسف والله العظيم حقكم عليا ميدو قالي والله متخبطش كده بس مجاش في بالي انكم تفهموا غلط

عسال….خدي يا نوني اشربي

نعيمه…..لا لا مش عايزه

عسال…..طيب بطلي عياط بقي منك لله يا راعي الغنم ضيعت المفاجاه

فضل…..لا مفيش حاجه ضاعت نوني بالله عليكي خلاص انسي نسمه فاقت يلا يا قلبي خلينا نروح