لقاء كارثي

عشري…..اصلي كلما سليم مردش و كلمت فضل كنسل فا قلقت

ليله….لا هما هناك في العرايه مع نعيمه مستنين يطمنوا بس عشان الدنيا متبقاش زحمه قاعده انا والبنات هنا الوقت هروح اشوفهم و اطمن

عشري….طيب يا عمري لو في اي اخبار طمنيني ماشي و انا هعدي عليكم بليل او كمان كام ساعه كده

ليله….طيب يا روحي هطمنك متقلقش

عشري…..يلا يا قلبي باي

ليله….باي

ايه….بضحك علي فكره ايدك تقيله و هتصل بايمي اقولها انتي ازاي متجيش و هلبسها فيكي و اقولها ليله اللي مقوياهم كلهم عليكي

ليله…..لا الا الاوزعه دي والله ما هتصدق اهي دي بقي الحته اللي ايمي مستنياها عشان تتلكك بيها

تقي….هما عشان عرفوا انها فاقت فا الكل قلقان اكيد معلش سيبوهم يطمنوا

ليله….اكيد طبعا ربنا يطمننا عليها وعلي نادر يارب

نادين….اللهم امين

تقي….يارب

ليله…..بقولكم ايه خليكم انا هروح ابص عليهم ثواني كده وهرجع طولوا اوي

نادين….اجي معاكي

ليله….خليكي عشان منبقاش زحمه انا هشوفهم وراجعه

نادين….اوك

خرجت ليله وراحت علي الرعايه كانوا واقفين ساندين علي الحيطه مستنين

ليله…..ايه الاخبار انتوا طولتوا ليه

فضل….لسه معاها جوه الدكاتره داخلين خارجين عليها

نعيمه…..لحد الوقت بيطمنونا

ليله…خير ان شاء الله كده احسن خليهم يطمنوا اكتر علي فكره يا سليم امونه اتصلت غليك وعشري واتصل عليك انت كمان يا فضل

فضل…اه انا نسبت اكلموا كنسلت كنت بكلم الدكتور بتاع القلب كان عندها و خرج هكلموا الوقت

ليله…لا خلاص هو كان بيطمن وانا عرفتوا انكم هنا

سليم…انا موبايلي سايلنت ايه كل الاتصالات دي

ليله…..احمد ربنا انه سايلنت انا موبايلي تقريبا الخط شغال علي سنترال مفصلش

فضل… بابتسامه ايه بيطمنوا منك

ليله…ته حبايبها كتير و كله عايز يجي و طبعا بقول ان الزياره ممنوعه عشان منبقاش زحمه نعدي حتي النهارده

فضل…..كده احسن اه

ليله…..ايه يا نوني مالك

نعيمه…اتاخروا اوي يا ليله

ليله…..يا حبيبتي ده كذا تخصص يعني الكل بيطمن عليها وده احسن ليها

سليم….انتي شايفه كام دكتور دخل لحد الوقت كده افضل علي الاقل عشان لما تخرج نبقي مطمنين

فضل….مش هيخرجوها من جوه الا لو متأكدين انها بخير اعملي حسابك علي كده فا متفضليش موتره نفسك

نعيمه…..هي ممكن تفضل جوه كده يبقي فيها حاجه يعني