لقاء كارثي

عشري…..متقلقيش انا زي الفل تخلص هي وسلمي بس وهدخل

حنان….عشري انا عارفه انه مش وقته وكل الكلام اللي المفروض يتقال اتقال بس مش عيزاك تزعل من مراتك يا حبيبي و ربنا يعوض عليكم يارب بالحلف الصالح هي مكانتش تقصد اي ست فينا يا عشري بمجرد ما تعرف انها حامل بتبقي طايره من السعاده و علي قد ما بتقدر مش بتهمل في نفسها احنا غيركم قلبنا بيحس بالضنا قبل ما نشوفه و نلمسوا و هي يا حبيبتي مكانتش تعرف مكانتش ليه متأكده يعني وجعها وجعين فرحتها مكملتش و احساسها بالذنب انك تشوفها اهملت

عشري….عارف يا حنون وانا مش زعلان من ليله و لا عمري اقدر ازعل منها ليها جواها حنيه متتوصفش و لما ربنا يكرمها وتبقي ام هتبقي احن ام في الدنيا انا عارف انها مأهملتش يمكن كان عندي فضول اعرف ليه مقالتش انها حامل واديني عرفت هي كانت لسه مستنيه تتأكد انا مش زعلان لان ملناش نصيب فيه و اللي فارق معايا بس هي ليله و صدقيني يا حنون اوقات ربنا بيعمل حجات احنا مبنقدرش نشوفها غير لما بنهدا و نفكر صح و انا بعد كل اللي حصل ده قدرت افكر صح يعني من رحمه ربنا علينا يا حنون ان حتي في المصايب والابتلاءات بيكون رحيم بينا اوقات حتي الابتلاء اللي بنشوفه كبير اوي و مش قادرين نتجملوا بيبقي رحمه و دي من ضمن الحجات الكتير اللي نقف عندها بعني كلنا قبل ما نعرف اللي حصل مع ليله كنا في صدمه و قلق و رعب و حزن علي نعيمه وعلي اللي حصل مع اهلها الابتلاء حقيقي كان كبير غلينا ما بالك بنعيمه امها وابوها واخواتها بين الحياه والموت و الكل منهار و فجأه سبحانك يارب نتلهي كلنا في ليله كمل بابتسامه هاديه حتي نعيمه سبحان الله كنت واثق انها هتنهار في اي وقت من كتر وجعها و فجاه ربنا نساها شويه وجعها علي ابوها وامها اللي لسه دفناهم بايدها و بقي كل همها ليله

جايز الوجع مش بيهدا بس ان ربنا يشغل عقل البني ادم بحد تاني وسط وجعه علي ناس غاليين فارقوه دي قمه الرحمه و فعلا نعيمه هديت شويه و بدات تفوق و تفكر في ليله حتي لو الموقف مش حلو و في خوف وقلق بس بعدها شويه عن قهرتها علي اهلها في رحمه اكتر من كده انا مش زعلان اكيد كنت اتمني فرحه ليله تكمل و فرحتي بولاد منها تحصل بس هي عندي بالدنيا و اكيد انا فهمت الحكمه من اللي حصل ده زي ما قولتلك حتي الابتلاء بيكون فيه جزء من الرحمه