لقاء كارثي

رشيد….ان شاء الله ربنا مش هيجيب حاجه وحشه تاني و المهم انك بخير الوقت متزعليش منهم و متزعليش من ايمي

ليله….بهدوء و تعب واضح مش زعلانه يارشيد مراتك لو مقالتش الكلمتين اللي جواها مش هترتاح

ايمي…..ايه مضايقه من كلامي احنا لو بدلنا الادوار يمين بالله ما هتسمي عليا

ليله….انا مش مضايقه يا ايمي بس انا عيزاكم تفهموا اني خدت كذا صدمه وراء بعض مقدرتش انطق بعدهم ولا كان فيا عقل يفكر الحادثه وقوعكم قدامي انهياركم اجهاضي الحاله اللي عشري فيها مفكرتش في اي حاجه و الله العظيم

فضل…..المهم انك بخير يا ليله ممكن بالله عليكم كفايه كده هي خلاص عرفت و فهمت نهدا بقي لان مفيش حد فينا متحمل

ليله….انا بس مش عيزاكم تزعلوا من رحاب و لا حد فيكم يضايقها و الله العظيم هي مظلومه

عشري …خلاص يا ليله خلاص اللي حصل حصل اهم حاجه انك بخير الحمد لله

ليله…..عشري انا عايزه امشي مخنوقه و مش قادره اقعد هنا

عشري…..حاضر همشيكي

سلمي….طيب نادين تعالي معايا اجيبلها الغيار بس قوليلي
فين طيب مفتاح عربيتك

ليله…بتعب ركزت وهي بتفتكر ااا شنطتي كانت في عربيه عشري المفتاح فيها

حسان…..هات يا عشري مفتاحك انا هنزل مع البنات

عشري طلع المفتاح من جيبه في صمت و مد ايده بيه لحسان

عسال….انا جاي معاكم

حسان….يلا بينا

سلامه….طيب اروح انا اشوف الدكتور يجي يبص عليها ولا ايه؟

عشري….بتنهيده تعالي عشان لسه هخلص حساب المستشفي

سلامه….يلا بينا

خرج عشري و سلامه و مصطفي كمان راح معاهم ..

ريهام…قربت من ليله باست راسها ايه يا لولي عامله ايه؟

ليله….الحمد لله يا ريهام حقكم عليا تعبتكم

ريهام….تعب ايه متقوليش كده

حنان…تعبك راحه يا حبيبتي المهم انك بخير خوفتينا عليكي يا ليله ربنا يكمل شفاكي علي خير يا قلبي

ليله….تسلمي

نعيمه…..بهمس مسموع فضل

فضل…ايه يا قلبي

بصتلوا وهي عينها كلها دموع

نعيمه…..معلش تعمل اي حاجه تخليني اقعد مع اخواتي هنا

فضل…..مش هينفع يا قلبي يعني لو هما في غرف عاديه والله كنت خليتك معاهم بس العنايه محدش بيقعد فيها انتي عارفه

نعيمه….بدموع مش هقدر امشي واسيبهم ازاي اروح وهما هنا مش دريانين بالدنيا

رشيد….نوني احنا حاطين اكتر من رقم لينا هنا يعني لو في اي حاجه هيتصلوا محتاجين حاجه هيكلمونا و كمان احنا واخدين ارقام الشاب و البنت اللي من التمريض متابعين حالتهم و معاهم برضوا ارقامنا يعني متقلقيش هما قالوا لو حابين تتصلوا اي وقت كلمونا