لقاء كارثي

جربي يا ليله تعمليها مره تانيه هتشوفي مني وش عمرك ما شوفتيه و ساعتها مش هتعرفي ترجعي اللي اتكسر بيني و بينك

انا عيزاكي عايشه مش و بتيجي علي نفسك عشان خاطرنا لان لو بجد بتحبينا زي ما احنا كلنا بنحبك هتفهمي ان حياتك تهمنا اكتر انا قولت اللي عندي و انتي حره بعد كده..

نعيمه….ليله ايمي معاها حق في كل كلمه و يمكن هي قالت كل اللي جوايا و انا كمان هعمل زيها و لو بجد جيتي علي نفسك تاني عشان حد فينا و عرضتي نفسك للخطر هخرج من حياتك انا عندي ابعد عنك بس تبقي بخير ولا اني اقرب و وجودي في حياتي يأذيكي

سلمي….بدموع معاهم حق انا كمان زيهم ياليله من حقك تخافي علينا و تعملي حسابنا بس كمان لازم تشاركينا علي الاقل نحاول نقف معاكي قبل ما تضيعي مننا لو بجد باقيه علينا اللي خصل ده مبتكررش تاني و اكيد ايه ونادين موافقين زينا علي كلام ايمي

عشري……مش انتوا بس يا سلمي انا كمان قبلكم انا مش مستغني عمك يا ليله عملتيها كتير و كل مره ربنا بيسترها واخر مره اظن انتي فكراها كويس لما خوفتي تعرفيني ان مريم بتهددك عشان مجيش جنبها واروح في داهيه انا بعدي كتير بس المرادي غير دمك لسه علي هدومي يا ليله و لسه مش مستوعب انك بخير اصلا

حسان…..طيب انتوا معاكم حق في كل كلمه و محدش فيكم غلطان بس كفايه كده عليها عشان مش حالين نضايقها اكتر من كده اظن ليله فهمت ان غلاوتها عندنا اكتر بكتير مما هي تتخيل

حنان….. ليله حبيبتي ايمي و عشري و البنات بيحبوكي بجد و خايفين عليكي جايز هما مقدرين اللي عملتبه و فاهمين انك مقدرتيش تفكري صح بس هما يا قلبي معاهم حق شربوا الخضه كلها انتي مشوفتيش نفسك كنتي عامله ازي و حقهم يخافوا عليكي و يعاتبوكي بطريقتهم اللي بيحب حد ميتمناش يشوفه في الوضع اللي كنتي فيه

عسال…..ليله انا عايز اختصرلك حاجه بسيطه اوي من كل اللي حصل ده يمكن انتي فكرتي فيهم بطريقتهم المعتاده تخبي عنهم تشيلي لوحدك تمنعي توتر خوف زعل حزن بس صدقيني لو لا قدر الله كان جرالك حاجه خوفك عليهم مكانش هيحميهم بالعكس كان هيضرهم و كان المفروض تعرفيهم حتي لو زعلوا اضايقوا خافوا اتوتروا زودتي الحمل زياده شويه مش مهم

لكن يجرالك حاجه وقتها اللي خوفتي منه كان هيبقي اهون من اللي ممكن يحصل فيهم انتي عارفه كلهم متعلقين بيكي ازاي احنا نفسنا متعلقين بيكي و بالبنات و محدش فينا بتمني يشوف فيكم اي حاجه وحشه متزعليش منهم ديما العتاب بيكون علي قد المحبه