لقاء كارثي

عسال….ماشي روح يلا

ركن الشباب العربيات و استنوا كلهم

فضل بص لنعيمه كانت مغمضه هي كمان و نايمه حرك كفه علي شعرها بهدوء فتحت عينها و رفعت راسها

نعيمه..وصلنا؟

فضل….قربنا خلاص بس عشري بيجيب العلاج لليله

رجعت راسها تاني لوراء و غمضت عينها

فضل…..حبيبي

فتحت وبصتلوا

فضل…..انتي كويسه؟ عارف
انه سؤال غبي بس عايز اطمن عليكي

نعيمه….بنظره حزن ولمعه في عينها بصت قدامها و خرجت منها تنهيده طووووويله و رفعت كتفها مش عارفه كل اللي بفكر فيه امته اصحي من الكابوس و اشوفك قدامي في المطار جاي تسلم عليا قبل ما اسافر هي دي الحاجه الوحيده اللي ممكن تخليني كويسه

فضل…..عارف إن مفيش كلمة في الدنيا هتقدر تطلعك من الوجع ده. ولو كان بإيدي أرجع ثانية واحدة من الزمن كنت عملت المستحيل عشان ابعد عنك الوجع اللي انتي حاسه بيه ده بس انا واثق ان الوقت هيريحك جايز مش هتنسي لان الفراق مش بيتنسي بس هيخف يا نوني والله العظيم هيخف

نعيمه…..بتنهيده طويله كانت حاسه ان دموعها اللي بتجري علي خدها سخنه اوي فضلت باصه قدامها بهدوء و توهان

فاكر يوم ما المية المغلية وقعت على إيدي فضلت أصرخ و اعيط من الوجع وافتكرت ساعتها إن ربنا مستحيل يخلق إحساس أقسى من النار وهي بتحرق الجلد.

مكنتش أعرف
إن حرق الجلد مهما كان ألمه نعمه لأنه مهما طال بيهدى.

إنما حرق الروح و القلب ملهمش آخر أنا حاسة إن في حاجة جوايا بتتحرق كل نفس باخده بيوجع اوي يا فضل

أنا جربت وجع يخلي النار نفسها رحمة اااااه

قرب كفه من راسها وضمها لصدره و باسها بوسه طويله في وسط راسها

فضل….بحزن عميق هترتاحي يا نعيمه والله هترتاحي اللي خلق الوجع ده جواكي قادر يهديه اهدي يا قلبي اهدي و حياتي

غمضت عينها وهي دموعها نازله و ثواني و رجع عشري ركب و ميدو و نادين ركبوا تاني و اتحركوا مع بعض.

…………..

دقايق بسيطه و وصلوا تحت بيت ليله و نعيمه ركنوا عربياتهم و بدأوا ينزلوا

طول الطريق كان الكل بيكلم الشباب يطمنوا علي ليله و علي نعيمه اهل عشري واهل فضل زوزو وحماده و احمد كمان بيتصل اهل رشيد و اهل حسان الكل كان متابعهم وبيطمن ..

ايمي مكانتش قادره تنزل حاسه ان في حاجه تقيله في بطنها و رجليها وارمه شويه و في خبط غير عادي كانت ماسكه في الكرسي جنبها و مغمضه عينها بقوه و رافعه نفسها من عالكرسي رافعه بسيطه لا قادره تفتح و تنزل ولا قادره تقعد كويس