لقاء كارثي
لقاء كارثي
حنان…بابتسامه حزينه وهي مدمعه صح يا حبيبي صح الله يرضي عنك و ينور قلبك فعلا الكل فجاه بقي كل اللي فارق معاه يطمن علي ليله وحقيقي ربنا مش بيعمل حاجه وحشه و انا واثقه ان ربنا هيعوضكم صدقني يا عشري عوض ربنا مفيش يا حبيبي احسن منه كفايه ارضا اللي في كلامك ده كفايه نيه مراتك البيضا زي قلبها صدقني ربنا هيجبر بخاطركم و هيعوضكم فرحه تستحقوها كلكم
عشري…..طبطب علي كتفها يارب يا حنون يارب
حنان… مسحت دموعها خد مراتك في حضنك و طبطب عليها و احضن وجعها بايدك يا حبيبي هي ملهاش غيرك انت عارف كل حاجه بتتعوض الا اللحظه اللي الست بتكون فيها ضعيفه ومش لاقيه سند و انا عارفه انك ونعم السند ليها و للبنات و صحابك ربنا يقويك و نعدي كلنا من المحنه دي علي خير
عشري….يارب يا ست الكل يلا روحي بقي ارتاحي شويه انتي كمان
حنان….هروح اخلص بس شويه حجات في المطبخ يكونوا البنات خلصوا وهرزح بس اسمع اي وقت تحتاج اي حاجه انا هنام هنا عالكنبه بره اخرج نادي عليا ماشي
عشري…ماشي بس ارتاحي جوه في اي اوضه مع البنات
حنان….الكنبه هنا كبيره خلي الكل ينام براحته يومين يا حبيب يمحدش ريح جسمه خليهم يرتاحوا وانا هفضل بره عشان بس اطمن عليهم كل شويه ايه وايمي و نعيمه الكل تعبان
عشري…..علي راحتك يا حبيبي المهم ارتاحي
حنان….ماشي يلا اشرب قهوتك ولو محتاج حاجه نادي عليا
عشري….ربنا ما يحرمني منك يا ست الكل.
طبطبت علي كتفه و خرجت راحت المطبخ دقايق و خرجت سلمي بصت عليه
سلمي….عشري ليله خلصت يلا تعالي ادخل
عشري…..ماشي يا سلمي
سلمي…..لو احتاجت اي حاجه انت عارف انا اكيد مش هبقي عارفه انام كويس صحيني و اتصل عالموبايل
عشري….لا انا عايزك تنامي و تراتحي و لو احتاجتك هصحيكي متقلقيش بس ارتاحي يا سلمي مفيش غيرك الوقت انتي ونادين اللي اقدر اعتمد عليهم شويه و انتي اكتر كمان نادين متوتره و تعبت بصراحه وانتي الوقت البنات محتاجينلك ليله وايمي نعيمه و ايه يعني ارتاحي عشان تقدري تبقي جنبهم
سلمي…..تمام يا عشري انا معاك متقلقش خد بالك منها بس هي خدت شاور و طلعتها علي السرير و اديتها العلاج بتاعها و محتاجه تنام
عشري…ماشي انا هدخل اشوفها
سلمي…تمام تصبح علي خير
عشري…وانتي من اهل الخير
دخل عشري بهدوء ليله كانت نايمه عالسرير ضامه نفسها و عماله تفتح و تغمض في عينها
