لقاء كارثي
لقاء كارثي
نادين….طيب
الشباب سلموا عليهم و وصوا حنان علي البنات و بعدين مشيوا و قفل عشري وراهم
حنان….يلا يا بنات يلا يا حبايبي قوموا خدوا شاور كده وارتاحوا نعيمه يا قلبي يلا يا ماما قومي و كفايه عياط عشان خاطري عينك دبلت يا ماما
عشري…نعيمه نعيمه يلا قومي و اسمعي الكلام يلا يا قلب اخوكي قومي
قامت نعيمه مع نادين بهدوء و مسجت دموعها
نعيمه…..تعالوا يا بنات خدوا غيارات
نادين….ريهام تعالي معايا
راحوا مع بعض جوه علي الاوضه
سلمي…..لولي هتنامي يا قلبي يلا
ليله….بتعب انا عايزه اخد شاور قرفانه من نفسي اوي يا سلمي حاسه ان ريحتي بنج ودم
عينها بسرعه بقت كلها دموع
سلمي….طب قومي يلا يا قلبي تعالي انا هدخل معاكي
ليله…لا لا انا تمام هقدر بس عايزه غيار
سلمي…طيب تعالي هطلعلك يلا عشري عشري
عشري….ايوه يا سلمي
سلمي….معلش اديني خمس دقايق بس هقف مع ليله و هي بتاخد شاور و بعدين ادخل الاوضه براحتك
عشري….لا خدي وقتك عايزه مني حاجه
سلمي….لا شكرا
عشري…قرب من ليله بهدوء ادخل معاكي انا
ليله….لا انا كويسه والله هي بس هتطلعي غيار وانا هاخد شاور
عشري…طيب ادخل انا معاكي عشان متدوخيش
ليله….والله انا احسن بكتير
عشري…طيب متقفليش الباب رديه شويه
ليله….حاضر
حنان….تعالي يا ايمي يلا يا حبيبتي قومي انتي كمان ادخلي ارتاحي و غيري وفكي علي تفسك شويه البنطلون ده تعبك من امبارح يا ماما
ايمي….هقوم يا حنون بس البنات يخلصوا
ايه…..ايمي تعالي قومي الاوضه الاخيره مفيهاش حد تعالي ادخلي يلا وانا هجيبلك الغيار من نعيمه
حنان…..قومي يا ماما يلا
قامت حنان دخلتهم كلهم و بقت راحه جايه بينهم تشوفهم لو محتاجين حاجه
نادين وايمي فضلوا مع نعيمه في الاوضه مكانوش راضين يسيبوها لوحدها و البنات وزعوا نفسهم علي الاوضتين دخلوا ياخدوا شاور و يهدوا شويه
خرجت حنان ظبطت الدنيا مكان الاكل و شالت كل الحجات اللي الشباب جابتها عشري كان واقف في البلكونه بيشرب سيجاره قربت منه حنان بهدوء و هي معاها فنجان قهوه
حنان…..امسك يا حبيبي
عشري…..تسلم ايدك يا ست الكل تعبتي حالك ليه كفايه اللي بتعمليه
حنان…تعبك راحه بالف هنا اشربه لحد ما مراتك تخلص و بعدين ادخل خد حمام ونام يا حبيبي انت شكلك تعبان اوي يا عشري
