لقاء كارثي

عشري….مرتاحه كده

هزت راسها بهدوء و غمضت عينها

الشباب ركبوا البنات و الكل ركب

عشري…..سليم واحده واحده وشوف كده لو العربيه فيها مشكله عرفني احسن تعطل منك خليك جنبي

سليم…ماشي يا حبيبي

ركب عشري واتحركوا كلهم و فضلت ليله مغمضه عينها الهواء اللي داخل مخليها مرتاحه شويه و تاثير البنج يمكن راح بس شعورها بالنوم كان مسيطر عليها جدا لان بعيد عن التعب محدش فيهم ارتاح او نام و الوقت نفسه كان مرهق و متعب جدا

عشري طول الطريق يبصلها و يحط كفه علي راسها و هي نايمه يمسك كفها يبوسه و هي نايمه كانت مجهده جدا وهو كان هيموت عليها .

ريهام كانت راكبه في عربيه مصطفي هي و امها و رايحين وراهم

ريهام…..ايوه يا حودا احنا اتحركنا خلاص

حودا…طيب يا قلبي زي ما قولتي هتيجوا عالتجمع مفيش تغيير صح

ريهام….لا لا رايحين عالتجمع

حودا….طيب تمام هشوفك لما تيجي

ريهام….هو ده صوت تامر انت لسه معاه؟؟

حودا…معاه اه بس هو وصل ابوه و نغم و نزلي تاني لما عرفنا انكم هتيجوا التجمع روحت انا وهو جيبنا اكل انا عارف ان محدش فيكم كل حاجه خالص و لازم الكل ياكل عشان محدش يقع و كمان بنجيب شويه طلبات للتلاجه عند نعيمه يعني هي المفروض كانت مسافره و اكيد مفيش حاجه خالص في البيت

ريهام…بابتسامه اكيد طبعا و بصراحه هما فعلا لازم ياكلوا كلهم تعبانين اوي و باين عليهم

حودا…عارف حتي الشباب يمكن ماسكين نفسهم بس التعب باين عليهم يلا خير ان شاء الله المهم بس انا هخلص وانتي تابعيني بالموبايل عشان اجيلكم علي طول

ريهام…..ماشي بس بقولك ايه ابقي كلم رشيد كده عشان كان هو وحسان بيقولوا هيجبوا اكل و ميدو وسلامه برضوا كانوا عايزين يجيبوا اكل

حودا…طيب تمام اقفلي انا هتصل عليهم اقولهم يروحوا علي طول مش عايزه حاجه

ريهام…لا سلامتك يا حبيبي علي مهلكم بس

حودا…ربنا يستر يلا سلام

كملوا طريقهم و محمود قالهم انه جاب اكل و محدش يجيب حاجه و طول الطريق عشري والشباب مركزين مع سليم كانوا خايفين الخبطه دي تكون اثرت علي العربيه فا يحصل حاجه

و قبل ما يدخلوا علي التجمع لمح عشري صيدليه ركن بهدوء قدامها و هما هدوا شويه

عسال…..في ايه وقفت ليه؟

عشري….الدواء

ركن ميدو ونزل و نزلت نادين و راحوا علي ليله كانت نايمه

عشري…خليكم معاها اجيب الدواء بس