لقاء كارثي

مكنتش هقول لاي حد فيهم بس مكنتش هسيبك كده

ايمي…امتي اصلا عرفتي انك حامل ليه معرفتيناش عشان نهتم بيكي زي ما كان فارق معاكي تهتمي بيا انا وامنيه

عشري…..بعد صمت دام كتير معرفتنيش ليه يا ليله انك تعبانه ليه اختارتي رحاب و مختارتيش تقوليلي انتي عارفه انك لو مكنتيش حابه تعرفي مخلوق مراعاةً للظروف مكنتش هنطق

ليله…..بصوت مرهق مسحت علي وشها بهدوء و كملت بنبرة توجع و هي باصه لايمي انا مفكرتش اصلا يا ايمي حتي لما طلبت من رحاب متتكلمش صدقيني مفكرتش انا عقلي كان غايب من بدايه الحادثه و انا مش كويسه انا في وقت من الاوقات نسيت اصلا ان في حد في حياتي ممكن اتصل بيه و استنجد بيه و الجألوا يلحقنا نسيت كل حاجه بس لما جيتوا و حصل الي حصل ده كله شوفتكم بتقعوا واحده وراء التانيه قدامي مقدرتش انطق مكانش وقته نعيمه كانت في دنيا تانيه و انا اكتر حد حاسه بوجعها لاني عيشت معاها كل لحظه في الحادثه أنتي المفروض نمنع عنك اي توتر او زعل و كان كفايه اوي اللي عيشتيه غير اني مقدرش اكون سبب في انك تفقدي ولادك لاقدر الله انا كنت بجهض و عايشه لحظه اترعبت اشوفك فيها ….!

ايه تعبانه و مش قادره تصلب طولها ونادين منهاره هي وسلمي و الكل قدامي بيقع مكانش عندي استعداد اخسر اي حد فيكم او حتي ازود وجعه لان خلاص انا اجهضت بعني معرفتكم لا هتقدم ولا هتاخر

عشري…..كانت هتقدم كتير يا ليله علي الاقل كنت هلحقك

ليله…..مقدرتش اوجعك يا عشري انا كنت مستنيه اوصل نعيمه و اتاكد من خبر حملي عشان افرحك اقوم اقولك اني بجهض من قبل ما تعرف اني حامل سكتت ثواني و كنلت بحزن انا مكنتش اعرف اني حامل يا عشري انا كنت شاكه و كنت ناويه لما ارجع اعمل اختبار و لو طلعت حامل كنت هفرحك لما ترجع بس الوقت اللي اتاكدت فيه كنت خسرته خلاص خبر زي ده اكيد كان هيوجعك هيوجع اهلك هيوجع الكل و مكانش عندي طاقه افسر كل ده

ايمي…..فا قررتي تخبي و قررتي تموتي لوحدك و قررتي تعرفي واحده كانت بتساعدك ازاي تموتي

ليله…ايمي رحاب ملهاش ذنب انا اللي طلبت منها تعمل كده و لو هي مكانتش لاحظت انا مكنتش هعرفها هي كمان بس معرفتها هي اللي انقذتني و الله العظيم البنت معملتش اي حاجه غلط بالعكس هي مبطلتش تقنع فيا اني اقول لعشري او اي حد طول الوقت بتتحايل عليا و بتعيط و مرعوبه يجرالي حاجه كانت عيزاني اروح لاي دكتور عشان تلحقني و انا اللي صممت و هي اخر ما تعبت معايا بقت ماشيه ورايا زي ظلي في كل مكان اروح فيه مكانتش بتسيبني و عماله تشربني في عصير عشان متعبش اكتر عملت اللي عليها و زياده