لقاء كارثي

نادين….بصتلهم بدموع و هي باين عليها الخوف طيب ليه تمشوا يعني لو مضطرين علي الاقل روحوا البيت عندي ميدو ياخدكم و ناموا هناك متبعدوش عننا ليله تعبانه وايمي و ايه و اكيد نعيمه يعني انا و سلمي و عشري بس مش هنعرف نخلي بالنا منهم خليكم جنبنا لو سمحت

سلامه …طيب بس بس متعيطيش اهدي

قرب منها ميدو ضمها و فضل يطبطب علي ضهرها

عسال…..بس يا حبيبي اهدي متخافيش مش هنسيبكم اكيد انا مكنتش همشي والله و كنت هروح الشقه عشان مبقاش بعيد عنكم

نادين …بدموع خليكم كلكم و لو علي اللبس اكيد ليها حل يعني عدي و سليم يجيبوا اللي فضل و عشري عايزينه و مصطفي ممكن بكره الصبح يروح يجيبلكم بس خليكم معانا انتوا

رشيد…..طيب خلاص يا نادين متخافيش والله هنروح مع ميدو علي شقتك متقلقيش و اكيد هنتصرف انا عن نفسي هقول لمحمود اللي هختاجه و لو ايمي محتاجه حاجه برضوا يجبها

حودا….انا تمام معنديش مشكله اللي محتاجينه هجيبوا لاي حد فيكم انا معاكم يعني عادي

حنان…..معلش يا ولاد هي يا قلبي خايفه و هتطمن اكتر لو حاسه انكم قريبين يعني لا قدر الله لو حصل اي حاجه ثواني و تبقوا هنا

حسان…..طيب خلاص احنا هنفضل متعيطيش بقي

عسال….يلا يا عمري روحي اغسلي وشك واهدي

هزت نادين راسها وراحت علي الحمام

ريهام…..معلش هي بس متوتره شايفه ليله تعبانه و ايمي و نعيمه و ايه و قلقانه حاجه تحصل و منعرفش نتصرف

حسان…..اكيد طبعا احنا بس قولنا نسيبكم براحتكم

وليد…مجاتش من يوم ولا اتنين وادام في مكان تاني خلاص خليكم بس هنا قريبين منهم

رشيد….لا هنفضل انا كمان هبقي قلقان علي ايمي انا بس عشان اجيب لبس

حودا…..شوف هتحتاج ايه و انا هجيبلك كل حاجه

رشيد…..طيب تمام هقولك

حودا….طيب ابعتلي بقي المهم انتوا محتاجين مننا حاجه الوقت ولا نمشي

رشيد….تمشي فين هتاكلوا الاول

حودا….لا احنا سبقناكم

تامر….احنا جيبنا اكل لما مشينا وكلما ونزلت انا ومحمود علي طول نجيب الحاجه المهم يا سلمي ابقي شوفي الحاجه لو في اي حاجه ناقصه ابعتيلي اجيبهالكم

سلمي ….لا والله الحاجه ماشاء الله كتير انت و محمود جيبتوا و عدي جايب

تامر….شوفي برضوا لو في حاجه ابعتيلي

سلمي…ماشي يا حبيبي هي نغم روحت

تامر….لا معانا مرضيناش نمشيها و هي تعبانه لوحدها كده كلت و نامت