لقاء كارثي

عشري…سلام عليكم

الدكتور….عليكم السلام

عشري….بصلها بقلق وهي بتقوم وبص للدكتور طمني يا دكتور هي كويسه ؟

الدكتور…..ايوه بخير متقلقش

عشري….لو محتاجه تفضل احنا مش مستعجلين

الدكتور…بابتسامه بس هي مستعجله

عشري…..ملكش دعوه بيها اللي حضرتك شايفه في مصلحتها يتعمل

الدكتور….اطمن هي بخير النزيف وقف و الرحم بينقبض بشكل طبيعي النبض والضغط كله طبيعي هنشوف بس هي قادره تمشي ولا لا

نزلت ليله رجليها و قامت وقفت وهي بتضعط علي كف حنان وايه بمحرد ما وقفت حست كأن روحها اتسحبت مره واحده غمضت عينها وهي بتشد علي ايدهم اوي و حست بدوخه قويه فضلت واقفه ثواني مغمضه و بعدين بدأت تفنح عينها بهدوء و هي باصه في الارض كانت حاسه ان في غيامه بسيطه و كأن حد رش جليتر في الجو نقط صغيره عماله تلمع في عينها من تاثر الدوخه و انخفاض الهيموجلوبين في الدم

ثواني و بعدين بدأت تحس انها افضل

عشري….ايه قادره تتحركي؟

هزت ليله راسها و بدات تاخد كام خطوه و هي ماسكه ايدهم و هو باصصلها و بيتحرك قدامهم بهدوء خايف تقع

الدكتور….تعرفي تسيبي ايدهم و تمشي لوحدك

خرجت منها تنهيده طويله وهزت راسها وبعدين هزت راسها و سابت ايدهم بهدوء و قف عشري قدامها و هي بدأت تتحرك بضعف لكن كانت بتعافر تمشي عشان محدش فيهم يقعدها

الدكتور….هايل جدا بصي هو طبيعي تفضلي دايخه شويه في زغلله و عدم اتزان بس كام ساعه كده و تبقي افضل ان شاء الله انا طبعا هكتبلك علي خروج بس هنفضل علي تواصل اي حاجه تكلموني هنحتاج نرتاح و من هنا لحد بكره يعني نقوم بهدوء منقومش مره واحده طبعا محتاجين سوايل كتير تعوض الدم اللي نزل محتاجين تغذيه قويه مد ايده بالروشته لعشري هنجيب الادويه دي وانا كاتب مواعيدها والجرعه

ايمي….طيب يا دكتور حضرتك مش هتحتاج تشوفها تاني

الدكتور….اكيد طبعا هشوفك بعد بكره حابه تيجي هنا تمام انا بس مش موجود بكره بس ده الكارت بتاعي لو حابه اشوفك في العياده و طبعا بكره هكون موجود في العياده يعني اي حاجه تحصل تيجي اي وقت

عشري…تمام يا دكتور بس هي بخير صح يعني عادي نروح؟

الدكتور….هي بخير متقلقش و انا رقمي معاك كلمني اي وقت لو في اي اعراض و لو مفيش برضوا كلمني و طمني عليها هتابع معاك يعني متقلقش بس زي ما قولت التغذيه دي مسؤوليتكم