لقاء كارثي

هزت راسها بهدوء

مسح دموعها وباس راسها و رشيد طبطب علي راسها و هو مبتسم

رشيد….يلا يا حبيبتي يلا يا سليم

فضل….يلا يا اخويا تعالي

بصت نعيمه علي اخواتها بصه اخيره بحزن

فضل….يلا يا عمري

خرجت معاهم بهدوء و راحوا تاني عليهم..

كانت ليله غيرت هدومها و البنات ساعدوها و قاعده علي حرف السرير و سانده راسها علي صدر عشري و مغمضه و هو اقف قدامها واخدها في حضنه.

دخلت نعيمه و هي باين علي عينها انها معيطه جامد و سليم كمان عينه حمراء

ايمي….بهدوء ايه يا قلبي اتطمنتي

فتحت ليله عينها بهدوء و بصت علي نعيمه

نعيمه….ايوه

ايمي…بكره هنطمن عليهم اكتر باذن الله

نعيمه…يارب يا ايمي

رشيد…عشري خلصت خلاص كل حاجه

عشري….اه كله تمام

فضل….طب ايه جاهزين ولا لسه في حاجه

عشري….لا احنا مستنينكم

رن موبايل وليد

وليد….اميمه بتتصل اكيد عايزه تطمن الووو

اميمه….ايه يا حبيبي اختك عامله ايه الوقت

وليد….بخير والله جهزت خلاص و هنمشي الوقت

اميمه…يعني فايقه كده و كويسه

وليد….زي الفل يا اميمه والله

اميمه….بدموع بجد ولا بتضحك عليا

وليد….ياستي بقولك زي الفل والله

مدت ليله ايدها بضعف عشان تاخد منه الموبايل

وليد….طب امسكي امسكي اهي عايزه تكلمك بس كتطوليش معاها ماشي

اميمه….طيب هات

ليله…الو

اميمه…..يا حبيبه قلبي يا نور عيني انتي كويسه

ليله… بصوت واطي جدا بطلي عياط انا بخير والله

اميمه….بعد الشر عليكي يا قلب اختك ربنا يقومك بالف سلامه والله ما كنت عايزه امشي يا ليله مشوني بالعافيه

ليله….والله انا كويسه متخافيش

اميمه….بكره هجيلك ماشي

ليله….ماشي طمني قمر

اميمه….بدموع هي جنبي اهي مسيبنهاش تروح هي وسامح

ليله….ماشي يا حبيبتي

اميمه…يلا مش هطول عليكي خدي بالك من نفسك عشان خاطري

ليله…حاضر يا حبيبتي

اميمه….بالسلامه يا نور عيني

ليله….سلام

خد وليد الموبايل و بصلها بحب و باس راسها

عشري…..يلا يا ليله

هزت راسها بهدوء

وليد…طيب اجيبلها كرسي يخرجها لحد بره

ليله….لا لا

عشري……اجيبلك كرسي يا ليله

ليله…..قادره امشي والله

عشري…..بهدوء طيب اشيلك

ابتسمت ليله ابتسامه بسيطه

ليله…انا كويسه والله

حنان…..مش ناسين حاجه يا بنات

سلمي…لا مفيش خلاص

رشيد…..يلا يا قلبي تعالي هاتي ايدك